លោកជំទាវបណ្ឌិត ពេជ ចន្ទមុន្នី អំពាវនាវពលរដ្ឋខ្មែរជួយទិញ និងគាំទ្របន្លែផ្លែឈេីក្នុងស្រុក
ភ្នំពេញ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ភរិយាសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវប្រជាពលរដ្ឋខ្មែរគាំទ្របន្លែ ផ្លែឈើក្នុងស្រុក ដោយភ្ជាប់ជាមួយរូបស្ត្រីវ័យចំណាស់ ត្រកងសណ្តែកកួរមួយបាច់ធំ។
តាមរយៈបណ្ដាញសង្គមនៅថ្ងៃទី១៤ ខែឧសភានេះលោកជំទាវបណ្ឌិត បានឱ្យដឹងយ៉ាងដូច្នេះថា “សូមបងប្អូនប្រជាពលរដ្ឋជួយគាំទ្រផលិតផលបន្លែ ផ្លែឈេីក្នុងស្រុក។ ការជួយទិញនិងគាំទ្របន្លែផ្លែឈេីក្នុងស្រុក គឺជួយដល់កសិករខ្មែរ និងជួយដល់សេដ្ឋកិច្ចជាតិយេីង”។
សូមបញ្ជាក់ថា សណ្តែកកួរមួយរយៈនេះ កំពុងផ្ទុះការចាប់អារម្មណ៍ពីប្រជាពលរដ្ឋខ្មែរលើបណ្តាញសង្គម ខណៈតម្លៃកំពុងឡើងខ្ពស់៕
