នាយឧត្តមសេនីយ៍ ម៉ឹង សំផន ដឹកនាំកិច្ចប្រជុំបូកសរុបការងារឆមាសទី១ និងទិសដៅអនុវត្តឆមាសទី២ ឆ្នាំ២០២៤ របស់ក្រុមការងារសម្របសម្រួល ការត្រៀមរៀបចំឆ្លើយតបសង្គ្រោះបន្ទាន់ និងស្តារឡើងវិញក្រសួងការពារជាតិ

ភ្នំពេញ៖ ឯកឧត្តម នាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិនិងជាប្រធានក្រុមការងារសម្របសម្រួលការត្រៀមរៀបចំឆ្លើយតបសង្គ្រោះបន្ទាន់និងស្តារឡើងវិញ អញ្ជើញជាអធិបតីក្នុងកិច្ចប្រជុំបូកសរុបការងារឆមាសទី១ និងទិសដៅអនុវត្តឆមាសទី២ ឆ្នាំ២០២៤ របស់ក្រុមការងារសម្របសម្រួលការត្រៀមរៀបចំឆ្លើយតបសង្គ្រោះបន្ទាន់និងស្តារឡើងវិញក្រសួងការពារជាតិ ដែលធ្វើឡើងថ្ងៃទី២០ ខែឧសភា ឆ្នាំ២០២៤ នៅបន្ទប់ប្រជុំ៥១ អាគាA ទីស្តីការក្រសួងការពារជាតិ។

នៅក្នុងកិច្ចប្រជុំនោះដែរ ក៏មានការអញ្ជើញ ចូលរួម ឯកឧត្តម រដ្ឋលេខាធិការ អនុរដ្ឋលេខាធិការ ទទួលបន្ទុកការងារជំនាញ ឯកឧត្តម អគ្គនាយកភស្តុភា ហិរញវត្ថុ នាយកដ្ឋានចំណុះនិងអង្គភាពជំនាញរួមមាន៖ តំណាងអគ្គបញ្ជាការដ្ឋាន បញ្ជាការដ្ឋានកងទ័ពជើងគោក បញ្ជាការដ្ឋានកងទ័ពជើងទឹក បញ្ជាការដ្ឋានកងទ័ពជើងអាកាស បញ្ជាការដ្ឋានកងរាជអាវុធហត្ថលើផ្ទៃប្រទេស បញ្ជាការដ្ឋានកងអង្គរក្ស បញ្ជាការដ្ឋានកងពលតូចលេខ៧០ បញ្ជាការដ្ឋានទ័ពពិសេស កងពលតូចដឹកជញ្ជូនលេខ៩៩ អង្គភាពវិស្វកម្ម និងបណ្តាអង្គភាពទាំងអស់នេះដែលជា អង្គភាពជំនាញធ្លាប់បានចូលរួមសង្គ្រោះគ្រោះមហន្តរាយជួយដល់ប្រជាពលរដ្ឋនាពេលកន្លងមក ៕