ព្រះរាជអាជ្ញា ICC ស្នើសុំដីកាចាប់ខ្លួនមេដឹកនាំអ៊ីស្រាអែល និងក្រុមហាម៉ាស់

ឡាអេ៖ រដ្ឋអាជ្ញានៃតុលាការឧក្រិដ្ឋកម្មអន្តរជាតិ (ICC) បានឲ្យដឹងកាលពីថ្ងៃចន្ទថា លោកកំពុងដាក់ពាក្យសុំដីកាចាប់ខ្លួនមន្ត្រីរដ្ឋាភិបាលអ៊ីស្រាអែលពីរនាក់ រួមទាំងនាយករដ្ឋមន្ត្រីអ៊ីស្រាអែល លោក Benjamin Netanyahu និងមេដឹកនាំក្រុមហាម៉ាស់បីនាក់ផងដែរ។

Karim Khan បានឲ្យដឹងនៅក្នុងសេចក្តីថ្លែងការណ៍មួយថា លោកមានហេតុផលសមហេតុផលដើម្បីជឿថា លោក Benjamin Netanyahu និងរដ្ឋមន្ត្រីការពារជាតិអ៊ីស្រាអែល លោក Yoav Gallant ទទួលខុសត្រូវចំពោះឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ ដែលបានប្រព្រឹត្តនៅក្នុងតំបន់ Gaza Strip ចាប់តាំងពីថ្ងៃទី០៨ ខែតុលា ឆ្នាំ២០២៣។

មេដឹកនាំក្រុមហាម៉ាស់ទាំងបីគឺ Yahya Sinwar, Mohammed Diab Ibrahim Al-Masri (Deif) និង Ismail Haniyeh ដែលព្រះរាជអាជ្ញា ICC បានបញ្ជាក់ថា ទទួលខុសត្រូវចំពោះឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ ដែលបានប្រព្រឹត្តនៅលើទឹកដីអ៊ីស្រាអែល និងនៅតំបន់ Gaza Strip ចាប់តាំងពីថ្ងៃទី០៧ ខែតុលា ឆ្នាំ២០២៣។