ឧត្តមសេនីយ៍ទោ សោម ស៊ុន នាំយកថវិកាបេឡាមរណសង្គ្រោះ និងអំណោយរបស់សម្តេចធិបតី ហ៊ុន ម៉ាណែត ឧបត្ថម្ភជូនក្រុមគ្រួសារសពអតីតយុទ្ធជនពិការ ដែលមានជីវភាពលំបាកខ្វះខ្វាត នៅស្រុកសន្ទុក

ភ្នំពេញ៖ នៅរសៀលថ្ងៃទី២៩ ខែឧសភា ឆ្នាំ២០ ២៤ ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជា ខេត្តកំពង់ធំ រួមជាមួយថ្នាក់ដឹកនាំ នៃគណៈកម្មាធិការសមា គមអតីតយុទ្ធជនស្រុកសន្ទុក បាននាំយកថវិកាបេឡាមរណសង្គ្រោះចំនួន៤លានរៀល និងអំណោយស្បៀងអាហាររបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី រួម មាន អង្ករ ចំនួន ៥០ គីឡូ ក្រាម មីជាតិចំនួន ២កេស ទឹក ត្រី សុីអុីវចំនួន ចំនួន ២យួរ និង ត្រីខ កំប៉ុង ចំនួន ២យួរ ទៅប្រគល់ជូនក្រុមគ្រួសារសពអតីតយុទ្ធជន ពិការឈ្មោះ សយ ខឿន ឋានន្តរសក្ដិ ព្រិន្ទបាលឯក អាយុ៦១ឆ្នាំ អតីត នៅអង្គភា ពយោធាស្រុកសន្ទុក ខេត្តកំពង់ធំ ដែលបាន ទទួល មរណភាព ដោយរោគាពាធ នាពេលកន្លងទៅថ្មីៗនេះ នៅភូមិទួលសង្កែ ឃុំកំពង់ថ្ម ស្រុកសន្ទុកខេត្តកំពង់ធំ។

ឧត្តមសេនីយ៍ទោ សោម ស៊ុន បានថ្លែងនូវការសោកស្ដាយចំពោះការបាត់បង់ជីវិត របស់លោកព្រិន្ទបាលឯក សយ ខឿន ជាអតីតយុទ្ធជន ដែលធ្លាប់មានគុណបំណាច់ចំពោះជាតិ មាតុភូមិ និងប្រជាជន ហើយសូមបួងសួងដល់វិញ្ញាណក្ខន្ឋលោក សយ ខឿន បានទៅកាន់សុគតិភព កុំបីឃ្លៀងឃ្លាតឡើយ ។

ក្នុង ឱកាស នេះ ឧត្តម សេនីយ៍ទោ សោម ស៊ុន បានបញ្ជាក់ថា ក្រោមការដឹកនាំរបស់សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងក្រោសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ព្រមទាំង ឯកឧត្តម ទេសរដ្ឋមន្ត្រី នាយឧត្តមសេនីយ៍ គន់ គីម អនុ ប្រធាន និងជាអគ្គលេខាធិការសមាគមអតីតយុទ្ធជនកម្ពុជា លោកបានបន្តការខិតខំប្រឹងប្រែងគ្រប់បែបយ៉ាង ដើម្បីដោះស្រាយនូវរាល់ការលំបាករបស់បងប្អូនអតីតយុទ្ធជនយើងមានដូចជា ការបែងចែកដីធ្លី ការសាង សង់ផ្ទះសម្បែងជូនបងប្អូនអតីតយុទ្ធជន ដែលមានជីវភាពលំបាកខ្វះខាតពិតប្រាកដ និងការផ្ដល់នូវប័ណ្ណបេឡាជាតិសន្តិសុខសង្គម ជូនបងប្អូនអតីតយុទ្ធជន សម្រាប់ទៅព្យាបាលជំងឺនៅមន្ទីរពេទ្យរដ្ឋ ដោយ រាជ រដ្ឋាភិបាល ជា អ្នក ចេញ ថ្លៃ ព្យាបាល ជូន ហើយ នៅពេល បងប្អូន អតីត យុទ្ធ ជន ទទួល មរណភាព មាន ថវិកា បេឡាមរណសង្គ្រោះ ចំនួន ៤.០០០.០០០ រៀល សម្រាប់សម្រួលដល់ក្រុមគ្រួសារសពក្នុងការធ្វើបុណ្យជូនបងប្អូន អតីត យុទ្ធ ជន យេីង ឲ្យបានសមរម្យ និងឱ្យទាន់ពេលវេលា។

ក្រុម គ្រួសារ សព អតីត យុទ្ធ ជន និង អាជ្ញា ធរ ដែន ដី សូម គោរព ថ្លែង អំណរគុណ ដ៏ជ្រាល ជ្រៅ ជាទី បំផុត ចំពោះ សម្តេច មហា បវរ ធិបតី ហ៊ុន ម៉ាណែត និង លោក ជំទាវ ព្រមទាំង ឧត្ដមសេនីយ៍ ទោ សោម ស៊ុន ក្រុម ការងារ សមាគម អតីត យុទ្ឋជន កម្ពុជា ខេត្ត កំពង់ធំ ដែល តែងតែបាន គិតគូរ យកចិត្តទុកដាក់ដោះ ស្រាយ នូវការ លលំបាកជូនបងប្អូនអតីតយុទ្ធជននៅគ្រប់ទីកន្លែង ហើយនិងបានដោះស្រាយការលំបាកជូន ក្រុមគ្រួសាររបស់គាត់ នៅពេលនេះ និង សូម គោរព ជូន ពរ សម្តេច លោកជំទាវ និងឯក ឧត្តម លោក លោក ស្រី ទាំង អស់ សូម ទទួល បាន នូវ ពុទ្ធ ពរ ទាំង បួន ប្រការ កុំបី ឃ្លៀង ឃ្លាត ឡើយ ៕