ឧត្តមសេនីយ៍ឯក តុប នេត ជួបជាមួយទីប្រឹក្សាបច្ចេកទេស និងតំណាងអង្គការ Vital Strategies ក្នុងកិច្ចប្រជុំអំពីលទ្ធផលវាយតម្លៃផែនការយុទ្ធសាស្រ្ត ស្ដីពីអត្តសញ្ញាណកម្មឆ្នាំ២០១៧-២០២៦ និងលើកផែនការអនុវត្តបន្ត
ភ្នំពេញ៖ នៅព្រឹកថ្ងៃសុក្រ ៩រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៣១ ខែឧសភា ឆ្នាំ២០២៤ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជួបប្រជុំជាមួយ Ms. Stephanie Tan (Technical Advisor) ទីប្រឹក្សាបច្ចេកទេស និងលោក យី កុសលវឌ្ឍនៈ តំណាងអង្គការ Vital Strategies ក្នុងកិច្ចប្រជុំអំពីលទ្ធផលវាយតម្លៃផែនការយុទ្ធសាស្រ្ត ស្ដីពីអត្តសញ្ញាណកម្មឆ្នាំ២០១៧-២០២៦ និងលើកផែនការអនុវត្តបន្ត។
កិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោកនាយការិយាល័យ ចំណុះអគ្គនាយកដ្ឋានអត្តសញ្ញាណកម្មផងដែរ ៕
