កម្លាំងអធិការនគរបាលស្រុកអន្លង់វែង ឃាត់ខ្លួនក្រុមក្មេងទំនើងជាបន្តបន្ទាប់សរុបចំនួន១០នាក់
ភ្នំពេញ៖ នៅថ្ងៃទី២៩ ខែឧសភា ឆ្នាំ២០២៤ វេលាម៉ោង១៖៤០នាទីយប់រំលងអាធ្រាត្រ មានករណីក្មេងទំនើង ២ក្រុម ប្រដាប់ដោយដាវ និងកាំបិត បានជិះម៉ូតូបានដេញកាប់គ្នាតាមដងផ្លូវ ស្ថិតនៅភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។
ករណីនេះបន្ទាប់ពីទទួលបានព័ត៌មានភ្លាម លោកឧត្តមសេនីយ៍ទោ ខូវ លី ស្នងការនគរបាលខេត្ត បានចាត់លោកវរសេនីយ៍ឯក ស៊ូ នូវ អធិការនគរបាលស្រុកអន្លង់វែង ដឹកនាំកម្លាំងចុះបង្ក្រាបចាប់ឃាត់ខ្លួនជាបន្តបន្ទាប់សរុបចំនួន១០នាក់ ប្រុស។
សមត្ថកិច្ចដកហូតវត្ថុតាង៖ កាំបិតខ្វែវចំនួន ០៤, កាំបិតកាចែត០១, ដាវ០១ និងម៉ូតូ ចំនួន២គ្រឿង។
ក្រុមម្ខាងមានគ្នា ០៦នាក់ ដកហូត ម៉ូតូ ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០២២ កាំបិតខ្វែវ០២ កាំបិតកាចែត០១ និងដាវ០១ មានឈ្មោះដូចខាងក្រោម៖
១-ឈ្មោះ ង៉ែត សុខា ភេទប្រុស អាយុ១៨ឆ្នាំ រស់នៅភូមិទួលប្រាសាទ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ (មានកាំបិតខ្វាវ)
២-ឈ្មោះ ខូវ កាន់ណារ៉ា ភេទប្រុស អាយុ១៦ឆ្នាំ រស់នៅភូមិអូរគគីកណ្ដាល ឃុំលំទង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ (មានដាវ)
៣-ឈ្មោះ មករា វណ្ណា ភេទប្រុស អាយុ២០ឆ្នាំ រស់នៅភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាក
៤-ឈ្មោះ សៀយ សុយន់ ភេទប្រុស អាយុ១៧ឆ្នាំ រស់នៅភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនប្រាកដ
៥-ឈ្មោះ ហឿន ម៉េងហុង ភេទ ប្រុស អាយុ១៨ឆ្នាំ រស់នៅភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ (មានកាំបិតខ្វែវ)
៦-ឈ្មោះ ទ្រី ចាន់ទ្រា ភេទប្រុស អាយុ១៨ឆ្នាំ រស់នៅភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ (មានកាំបិតកាចែត)។
ក្រុមម្ខាងទៀតមានគ្នា ចំនួន០៤នាក់ ខូចខាតម៉ូតូ០១គ្រឿង ម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០២៤ មានកាំបិតខ្វែវ ចំនួន០២ មានឈ្មោះដូចខាងក្រោម ៖
១- ឈ្មោះ សំ រដ្ឋា (យួន) ភេទប្រុស អាយុ២២ឆ្នាំ រស់នៅភូមិឃ្លាំងកណ្ដាល ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ។
២-ឈ្មោះ ណាត់ ចាន់រិទ្ធ ភេទប្រុស អាយុ២៣ឆ្នាំ រស់ភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរជាងពិដាន (មានកាំបិតខ្វែវ២)
៣-ឈ្មោះ ហ៊ន ទិត ភេទប្រុស អាយុ២៤ឆ្នាំ រស់នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរលក់ការ៉ែម
៤-ឈ្មោះ សេង ផានិត ភេទប្រុស អាយុ២៤ឆ្នាំ រស់នៅភូមិគូលេនខាងត្បូង ឃុំគូលេនខាងត្បូង ស្រុកគូលេន ខេត្តព្រះវិហារ មុខរបរធ្វើនំពងទារ។
បច្ចុប្បន្ន ក្រុមក្មេងទំនើង និងវត្ថុតាងខាងលើ ត្រូវបានបញ្ជូនមកការិយាល័យជំនាញ ដើម្បីសួរនាំនិងកសាងសុំណុំរឿងបន្តបញ្ជូនទៅតុលាការចាត់ការបន្តតាមនីតិវិធីច្បាប់ ៕
