អភិបាលខេត្តព្រៃវែង អញ្ជើញប្រកាសចូលកាន់តំណែងក្រុមប្រឹក្សាស្រុកកំចាយមារ អាណត្តិទី៤
ភ្នំពេញ៖ នារសៀលថ្ងៃទី១៣ ខែមិថុនា ឆ្នាំ២០២៤ ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង បានអញ្ជើញជាអធិបតីក្នុងពិធីប្រកាសចូលកាន់តំណែងក្រុមប្រឹក្សាស្រុកកំចាយមារ អាណត្តិទី៤ ឆ្នាំ២០២៤ ដែលប្រារព្ធធ្វើនៅសាលាស្រុកកំចាយមារ ខេត្តព្រៃវែង។
ឆ្លៀតឱកាសនោះដែរ ឯកឧត្តមអភិបាលខេត្ត សូមចូលរួមអបអរសាទរ កោតសរសើរ និងវាយតម្លៃខ្ពស់ចំពោះ លោក លោកស្រី សមាជិក សមាជិកា ក្រុមប្រឹក្សាស្រុកកំចាយមារដែលត្រូវបានតំណាងប្រជាពលរដ្ឋ គឺសមាជិកក្រុមប្រឹក្សាឃុំ សង្កាត់ គ្រាំទ្រផ្តល់សេចក្តីទុកចិត្តបោះឆ្នោតជ្រើសរើសជាសមាជិកក្រុមប្រឹក្សាស្រុកកំចាយមារ អាណត្តិទី៤នាពេលនេះ ដែលសរុបមានចំនួន១៩នាក់ ឲ្យចូលកាន់មុខដំណែងជាក្រុមប្រឹក្សាស្រុក សម្រាប់បន្តដឹកនាំ និងចូលរួមថែរក្សាសុខសន្តិភាព ស្ថេរភាព និងបន្តអភិវឌ្ឍន៍អោយមានការរីកចម្រើនលើគ្រប់វិស័យបន្ថែមទៀត។
ជាទីបញ្ចប់ ឯកឧត្តមអភិបាលខេត្ត សូមពរពរដល់ ថ្នាក់ដឹកនាំខេត្ត លោក លោកស្រី សមាជិក សមាជិកា ក្នុងអង្គពិធីទាំងមូល សូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
