ឯកឧត្តមបណ្ឌិត ថេង ច័ន្ទសង្វារ ដឹកនាំគណៈប្រតិភូយុវជនគណបក្សប្រជាជនកម្ពុជាថ្នាក់កណ្តាល ទៅបំពេញទស្សនកិច្ចសិក្សានៅប្រទេសចិន
ភ្នំពេញ៖ តបតាមការអញ្ជើញរបស់គណបក្សកុម្មុយនីស្តចិន និងការឯកភាពដ៏ខ្ពង់ខ្ពស់របស់ សម្តេចវិបុលសេនាភក្តី សាយ ឈុំ អនុប្រធានគណបក្សប្រជាជនកម្ពុជា និងជាប្រធានគណៈប្រចាំការនៃគណៈអចិន្រ្តៃយ៍គណៈកម្មាធិការកណ្តាល តាមសំណើរបស់សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល នៅព្រឹកថ្ងៃចន្ទ ៤រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែមិថុនា ឆ្នាំ២០២៤ ឯកឧត្តមបណ្ឌិត ថេង ច័ន្ទសង្វារ អញ្ជើញដឹកនាំគណៈប្រតិភូយុវជនគណបក្សប្រជាជនគណបក្សថ្នាក់កណ្តាល ទៅបំពេញទស្សនកិច្ចសិក្សានៅសាធារណរដ្ឋប្រជាមានិតចិន ចាប់ពីថ្ងៃទី២៥ ខែមិថុនា ដល់ថ្ងៃទី៥ ខែកក្កដា ឆ្នាំ២០២៤ នៅខេត្តហ៊ឺប៉ី ក្រុងគួនម៉ីង និងក្រុងសៀងហៃ។
សូមជម្រាបជូនថា ក្នុងដំណើរទស្សនកិច្ចនេះ ក្រៅពីការសិក្សាស្វែងយល់និងផ្លាស់ប្តូរបទពិសោធន៍អំពីការងារកសាងនិងគ្រប់គ្រងគណបក្ស គណៈប្រតិភូនឹងធ្វើការសិក្សាស្វែងយល់ និងផ្លាស់ប្តូរបទពិសោធន៍ពាក់ព័ន្ធវិស័យចំនួន៤ ផ្សេងទៀតគឺ៖ ១.ការដាក់ចេញនិងអនុវត្តគោលនយោបាយលើកកម្ពស់ការគ្របដណ្តប់សុខភាពជាសកល, ២.ការលើកម្ពស់ និងការអភិវឌ្ឍលំនៅឋានសង្គម និងលំនៅឋានសាធារណៈ, ៣.ឧស្សាហកម្មផលិតជី គ្រាប់ពូជដំណាំ និង៤.ការអភិវឌ្ឍសហគ្រាសធុនតូច និងមធ្យម ៕
