ឯកឧត្តម ឃួន ផុនរតនៈ ជួបពិភាក្សាការងារតាមប្រព័ន្ធវីដេអូ ជាមួយ អនុរដ្ឋមន្រ្តីទីមួយនៃក្រសួងការបរទេសអ៊ុយក្រែន
ភ្នំពេញ៖ នៅរសៀលថ្ងៃទី២៧ ខែមិថុនា ឆ្នាំ២០២៤ ឯកឧត្តម ឃួន ផុនរតនៈ រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ បានទទួលជួបពិភាក្សាការងារតាមប្រព័ន្ធវីដេអូ ជាមួយ ឯកឧត្តម Andrii Sybiha អនុរដ្ឋមន្រ្តីទីមួយនៃក្រសួងការបរទេសអ៊ុយក្រែន។
នៅក្នុងជំនួបនោះភាគីទាំងពីរបានកត់សម្គាល់ដោយការពេញចិត្តចំពោះទំនាក់ទំនងមិត្តភាពជាប្រពៃណី រវាងព្រះរាជាណាចក្រកម្ពុជា និងអ៊ុយក្រែន ព្រមទាំងបានផ្លាស់ប្តូរទស្សនៈស្វែងរកវិធីពង្រឹងបន្ថែមទៀតនូវកិច្ចសហប្រតិបត្តិការរវាងប្រជាជាតិទាំងពីរទាំងក្នុងក្របខ័ណ្ឌទ្វេភាគី និងពហុភាគី ដើម្បីជាផលប្រយោជន៍សម្រាប់ប្រជាជននៃប្រទេសទាំងពីរ៕
