កម្ពុជា-IOM ប្តេជ្ញាបន្តពង្រឹងកិច្ចសហប្រតិបត្តិការថែមទៀត ដើម្បីបំរើផលប្រយោជន៍ដល់ជនទេសន្តរប្រវេសន៍កម្ពុជា ដែលកំពុងស្នាក់នៅក្រៅប្រទេស
ភ្នំពេញ៖ នៅថ្ងៃទី១០ ខែសីហា ឆ្នាំ២០២៤ លោកជំទាវ យ៉ិនទៀង ពុទ្ធិរស្មី រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ បានទទួលជួបសម្តែងការគួរសមជាមួយលោកស្រី Kristin PARCO ប្រធានបេសកកម្មអង្គការអន្តរជាតិទេសន្តរប្រវេសន៍ (IOM) នៅទីស្តីការក្រសួង។
ក្នុងឱកាសនោះ លោកស្រី Kristin PARCO បានជម្រាបអំពីវឌ្ឍនភាពការងាររបស់លោកស្រីក្នុងរយៈពេល៥ឆ្នាំមកនេះ និងបានជូនព័តមានអំពីប្រធានបេសកកម្មថ្មីរបស់អង្គការ IOM ដែលនឹងត្រូវមកកាន់តំណែងក្នុងពេលឆាប់ៗខាងមុននេះ។
ភាគីទាំងពីរ បានផ្លាស់ប្តូរទស្សនៈគ្នាទៅវិញទៅមកអំពីកិច្ចសហប្រតិបត្តិការរបស់អង្គការ IOM នៅកម្ពុជា និងបានប្តេជ្ញាបន្តពង្រឹងកិច្ចសហប្រតិបត្តិការថែមទៀត ដើម្បីបំរើផលប្រយោជន៍ដល់ជនទេសន្តរប្រវេសន៍កម្ពុជាដែលកំពុងស្នាក់នៅក្រៅប្រទេស ៕
