មន្ត្រីជាន់ខ្ពស់ក្រសួងសុខាភិបាលកម្ពុជា ចូលរួមកិច្ចប្រជុំ យន្តការសន្ទនាស្តីពី កិច្ចសហប្រតិបត្តិការចិន-កម្ពុជា

ភ្នំពេញ៖ នៅថ្ងៃទី១១ ខែកក្កដា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តមវេជ្ជបណ្ឌិត ម៉ឹង វណ្ណារុំ អនុរដ្ឋលេខាធិការ បានចូលរួមកិច្ចប្រជុំស្តីពីការបើកកិច្ចប្រជុំ នៃយន្តការសន្ទនា កិច្ចសហប្រតិបត្តិការ ចិន-កម្ពុជា នៅរដ្ឋធានីប៉េកាំង នៃសាធារណរដ្ឋប្រជាមានិតចិន។

គោលបំណងនៃកិច្ចប្រជុំគឺដើម្បីពិនិត្យវឌ្ឍនភាព និងពិភាក្សាលើផែនការកិច្ចសហប្រតិបត្តិការអភិវឌ្ឍទ្វេរភាគី និងជំរុញការអនុវត្តគម្រោងអាទិភាពនានា។

កិច្ចប្រជុំនេះសហដឹកនាំដោយ ឯកឧត្តម យ៉ាង វួយឈីន អនុប្រធានទីភ្នាក់ងារសហប្រតិបត្តិការអភិវឌ្ឍន៍អន្តរជាតិ នៃសាធារណរដ្ឋប្រជាមានិតចិន និង ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៃព្រះរាជាណាចក្រកម្ពុជា ព្រមទាំងមានការអញ្ជើញចូលរួមពីតំណាងក្រសួងសេដ្ឋកិច្ចនិងហិរញ្ញវត្ថុ ក្រសួងសុខាភិបាល ក្រសួងពាណិជ្ជកម្ម ក្រសួងធនធានទឹកនិងឧត្តុមនិយម និងក្រសួងសាធារណការនិងដឹកជញ្ជូន ព្រមទាំងតំណាងក្រសួងស្ថាប័ន្ធពាក់ព័ន្ធ នៃសាធារណរដ្ឋប្រជាមានិតចិន ផងដែរ ៕