សាធារណជនបន្តរួមគ្នាកសាងវប្បធម៌ស្អាតជារៀងរាល់ថ្ងៃ ក្នុងយុទ្ធនាការកាត់បន្ថយការប្រើប្រាស់ប្លាស្ទិក និងយុទ្ធនាការ “កម្ពុជាស្អាត ខ្មែរធ្វើបាន” ដាក់ចេញដោយក្រសួងបរិស្ថាន
ភ្នំពេញ៖ នៅថ្ងៃទី១២ ខែកក្កដា ឆ្នាំ២០២៤ សិស្សានុសិស្ស លោកគ្រូ អ្នកគ្រូ មន្រ្តីរាជការ ប្រជាពលរដ្ឋ អាជីវករ បន្តចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក ចំនួន ១៤,៤០៤នាក់ បន្ថែមទៀតហើយ នេះបើតាមការឱ្យដឹងពីរបាយការណ៍កើនឡើងនៃចំនួនអ្នកចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» ដែលក្នុងនោះរួមមាន សាលារៀន ចំនួន ៥៩សាលា តាមរយៈការចូលរួមពីលោកគ្រូ អ្នកគ្រូ ចំនួន ៤៧៩នាក់ សិស្សានុសិស្ស ចំនួន ១៣,៨០៥នាក់ ប្រជាពលរដ្ឋ អាជីវករ ចំនួន ៧៣នាក់ មន្ត្រីរាជការ ចំនួន ៤៧នាក់ ក្នុងចំណោមរាជធានី-ខេត្ត ចំនួន ៦(ប្រាំមួយ) គឺ ខេត្តត្បូងឃ្មុំ ខេត្តកំពង់ចាម ខេត្តក្រចេះ ខេត្តសៀមរាប ខេត្តព្រះវិហារ និងខេត្តកំពត។
៙យុទ្ធនាការ “កម្ពុជាស្អាត ខ្មែរធ្វើបាន” អនុវត្តបាននៅ ៖
+ខេត្តត្បូងឃ្មុំ
-ស្រុកពញ្ញែក្រែក (ឃុំកណ្ដោលជ្រុំ, កក់, ដូនតី, ត្រពាំងផ្លុង និងឃុំវាលម្លូ)
-ស្រុកតំបែរ ឃុំនាងទើត
-ស្រុកត្បូងឃ្មុំ ឃុំជប់
+ខេត្តក្រចេះ
-ក្រុងក្រចេះ សង្កាត់អូរឫស្សី
-ស្រុកសំបូរ ឃុំសណ្ដាន់
-ស្រុកចិត្តបុរី ឃុំដារ
+ខេត្តកំពង់ចាម
-ស្រុកកោះសូទិន ឃុំពាមប្រធ្នោះ
-ស្រុកជើងព្រៃ (ឃុំផ្ដៅជុំ, សូទិព និងឃុំខ្នុរដំបង)
-ស្រុកកងមាស ឃុំពាមជីកង
+ខេត្ដសៀមរាប
-ភូមិស្រែណូយ ឃុំស្រែណូយ ស្រុករ៉ារិន
-រដ្ឋបាលសង្កាត់ស្វាយដង្គំ
-រដ្ឋបាលសង្កាត់ជីក្រែង
-រដ្ឋបាលសង្កាត់ប្រាសាទបាគង
-រដ្ឋបាលស្រុករ៉ារិន
+ខេត្ដព្រះវិហារ
-ភូមិអណ្ដូងពោតិ៍ សង្កាត់កំពង់ប្រណាក ក្រុងព្រះវិហារ
-ភូមិជីអោក ឃុំរមណីយ ស្រុកររៀង
-ភូមិអន្លង់ស្វាយ ឃុំរមណីយព្រះឃ្លាំង ស្រុកត្បែងមានជ័យ
-ភូមិអណ្ដូងភ្លូ ឃុំរអាង ស្រុកសង្គមថ្មី
+ខេត្តកំពត
-សង្កាត់អណ្ដូងខ្មែរ ក្រុងកំពត
-ភូមិអង្គ្រង ឃុំកំពង់ត្រាចខាងលិច ស្រុកកំពង់ត្រាច
-ភូមិអូរស្លែង ឃុំដំណាក់កន្ទួតខាងជើង ស្រុកកំពង់ត្រាច
-ភូមិអង្គរជ័យទី២ ឃុំដំណាក់កន្ទួតខាងត្បូង ស្រុកកំពង់ត្រាច
-ភូមិព្រៃឃ្ជាយ ឃុំស្នាយអញ្ជិត ស្រុកជុំគិរី
-ភូមិក្រាំងរលួស ឃុំក្រាំងស្នាយ ស្រុកឈូក
-ភូមិកន្សោមអក ឃុំបន្ទាយមាសខាងលិច ស្រុកបន្ទាយមាស
-ភូមិអង្គម្លី ឃុំទូកមាស ស្រុកបន្ទាយមាស ៕
