សប្បុរសជនបន្តឧបត្ថម្ភថវិកាជូនសាខាកាកបាទក្រហមកម្ពុជាខេត្តបាត់ដំបង ដើម្បីបុព្វហេតុមនុស្សធម៌ជួយជនងាយរងគ្រោះផ្សេងៗ ក្នុងខេត្តបាត់ដំបង

ភ្នំពេញ៖ នៅរសៀលថ្ងៃទី១៨ខែកក្កដា ឆ្នាំ២០២៤ ឯកឧត្តម សុខ លូ អភិបាលនៃគណៈអភិបាលខេត្តនិងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង និងសហការី បានបន្តអញ្ចើញទទួលជួបសវនាការ និងទទួលថវិកាពីសប្បុរសជនមកពីមន្ទីរអង្គភាពចំនួន១៣អង្គភាពរួមមាន៖

១-លោក ជា ណាង ប្រធាមអង្គភាពអគ្គិសនីខេត្តបាត់ដំបង និងសហការីព្រមទាំងនិយោជិក ឧបត្ថម្ភថវិកាចំនួន ២០លានរៀល

២- លោក យី សុងគី ប្រធានមន្ទីរអប់រំយុវជននិងកីឡាខេត្តព្រមទាំងសហការីនៃគ្រឹះស្ថានសិក្សា ឧបត្ថម្ភថវិកាចំនួន ១៤,១៣៨,៦០០រៀល

៣-លោក ឈឹម វជិរា ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តបាត់ដំបង និងសហការី ព្រមទាំងសប្បុរសជន ឧបត្ថម្ភថវិកាចំនួន ១០លានរៀល

៤-ឯកឧត្តមឱសថបណ្ឌិត វឿង ប៊ុនរេត ប្រធានមន្ទីរសុខាភិបាល នៃរដ្ឋបាលខេត្តបាត់ដំបងនិងសហការី ឧបត្ថម្ភថវិកាចំនួន ៧លានរៀល

៥-សាលាឧទ្ធរណ៍បាត់ដំបងនិងមហាអយ្យការអមសាលាឧទ្ធរណ៍បាត់ដំបងឧបត្ថម្ភថវិកាចំនួន៤,៤៤០,០០០រៀល

៦-លោកឧត្តមអគ្គានុរក្សថ្នាក់លេខ២ សំអុល ធារិទ្ធ ប្រធានពន្ធនាគារខេត្តបាត់ដំបងនិងសការី ឧបត្តម្ភថវិកាចំនួន ២,៥០០,០០០រៀល

៧,លោក ភួង សិទ្ធិ ប្រធានមន្ទីរសង្គមកិច្ច អតីតយុទ្ធជន និងយុវនីតសម្បទា ខេត្តបាត់ដំបងឧបត្តម្ភថវិកាចំនួន៣,៣០០,០០០រៀល

៨-លោក ជា សុធន ប្រធានសាខាធនាគារជាតិនៃកម្ពុជាខេត្តបាត់ដំបងនិងសហការី ឧបត្តម្ភថវិកាចំនួន២,០០០,០០០រៀល

៩-លោក ជួង សុភា នាយខណ្ឌរដ្ឋបាលជលផលបាត់ដំបង និងសហការីឧបត្តម្ភថវិកាចំនួន១,៣៥០,០០០រៀល

១០-ឯកឧត្តម អ៊ីវ កុសល ប្រធានមន្ទីរផែនការខេត្តបាត់ដំបងនិងសហការី ឧបត្ថម្ភថវិកាចំនួន ១លាន២សែនរៀល ។

១១-ឯកឧត្ដម សាយ សុភា ប្រធានព្រះរាជដំណាក់ខេត្តបាត់ដំបងឧបត្ថម្ភថវិកាចំនួន១,០០០,០០០រៀល

១២-លោក គឹម សោភ័ណ ប្រធានមន្ទីរវប្បធម៌ និងវិចិត្រសិល្បៈខេត្តបាត់ដំបងនិងសហការិ ឧបត្ថម្ភថវិកាចំនួន ១លានរៀល

១៣-ធនាគារពាណិជ្ជកម្មក្រៅប្រទេស នៃកម្ពុជា (FTB)សាខាខេត្តបាត់ដំបង ឧបត្ថម្ភថវិកាចំនួន ១លានរៀល។ ដែលបានឧបត្ថម្ភជូនសាខាកាកបាទក្រហមកម្ពុជាបាត់ដំបង ក្នុងឱកាសខួបទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ ក្រោមប្រធានបទ៖«រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។

ស្ថិតក្នុងឱកាសនោះ ឯកឧត្តម សុខ លូ បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោកជំទាវ លោក លោកស្រី សប្បុរសជន ដែលតែងតែឧបត្ថម្ភគាំទ្រដល់សាខាកាកបាទក្រហមកម្ពុជាខេត្តបាត់ដំបង ជាបន្តបន្ទាប់រហូតមក គិតត្រឹមថ្ងៃទី១៨ ខែកក្កដា ឆ្នាំ២០២៤នេះ សាខាខេត្តបានទទួលថវិកាពីសប្បុរសជនចំនួន ១២១អង្គ/នាក់/និងមន្ទីរអង្គភាព ដែលសរុបថវិកា ១៨៨,៨២៣,៦០០ រៀល និង២៥,៥៩៨.៩៥ដុល្លារ ផងដែរ។

ជាមួយគ្នានេះ ឯកឧត្តមប្រធាន បានជម្រាបជូនគណៈប្រតិភូទាំងអស់ អំពីសកម្មភាពសំខាន់ៗរបស់សាខាខេត្តបាត់ដំបង អនុសាខាក្រុងស្រុក ក្នុងការជួយសម្រាលការលំបាកដល់ប្រជាពលរដ្ឋរងគ្រោះ និងងាយរងគ្រោះបំផុតក្នុងរយៈពេល៧ខែគិតត្រឹមថ្ងៃទី១៨ ខែកក្កដាឆ្នាំ២០២៤នេះនេះសាខាបានឆ្លើយតបសកម្មភាពមនុស្ស ធម៌ ជាពិសេសប្រជាពលរដ្ឋងាយរងងគ្រោះបានសរុប ១០៨៦គ្រួសារ លើកក្រុងស្រុកទាំង១៤នៃខេត្តបាត់ដំបង ក្នុងសាខាបានធ្វើផ្ទះមនុស្សធម៌ជូនគ្រួសារជួបកាលំបាក់ខ្លាំង មានដីតែគ្មានទីជម្រកបានចំនួន ៣ខ្នង ព្រមទាំងសកម្មភាពជាច្រើនទៀតរបស់កាកបាទក្រហមកម្ពុជាដោយមិនរើសអើង ប្រកាន់និន្នាការនយោបាយ ឬ សាសនា អ្វីឡើយ ហើយតែងបានចាត់តំណាង អោយចុះអន្តរាគមន៍ ជួយ សម្រាល ទុក្ខលំបាក បានទាន់ពេលវេលានិង ស្របតាមទិសស្លោក ” កាកបាទក្រហមមាននៅគ្រប់ទីកន្លែង សម្រាប់យើងគ្រប់ៗគ្នា ដោយមិនទុកនរណាម្នាក់ចោល ” ។

ឯកឧត្តមប្រធានគណៈកម្មាធិការសាខា ក៏បានគោរពជូនពរដល់ សប្បុរសជនទាំងអស់ សូមមានសុខភាពល្អ និងទទួលបានជោគជ័យគ្រប់ភារកិច្ចជាបន្តបន្ទាប់៕