មន្ត្រីជាន់ខ្ពស់ក្រសួងសុខាភិបាល ដឹកនាំកិច្ចប្រជុំលើកទី៤ នៃគណៈកម្មការអន្តរក្រសួង សម្រាប់សម្របសម្រួលសុខភាពតែមួយ

ភ្នំពេញ៖ នាថ្ងៃទី៣១ ខែកក្កដា ឆ្នាំ២០២៤ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការ និងជាប្រធានគណៈកម្មការអន្តរក្រសួងសម្រាប់សម្របសម្រួលសុខភាពតែមួយ បានដឹកនាំកិច្ចប្រជុំលើកទី៤ នៃគណៈកម្មការអន្តរក្រសួងសម្រាប់សម្របសម្រួលសុខភាពតែមួយ (One Health Project) ។

គោលបំណង នៃកិច្ចប្រជុំអន្តរក្រសួងនេះគឺ៖
– ពិនិត្យវឌ្ឍនភាព របស់គម្រោងសុខភាពតែមួយ (One Health)
– រាយការណ៍អំពីសមាសភាពនៃក្រុមការងារលេខាធិការដ្ឋាន នៃគណៈកម្មការអន្តរក្រសួងសម្រាប់សម្របសម្រួលសុខភាពតែមួយ
– បង្ហាញពីវឌ្ឍនភាព និងសកម្មភាពការងារចាប់ពីខែឧសភា ដល់ ខែកក្កដា ឆ្នាំ២០២៤ នៃគម្រោងសុខភាពតែមួយនៅកម្ពុជា (OH4CAM)
– បង្ហាញពីកម្មវិធីសុវត្ថិភាពសុខភាពសកល (Global Health Security Program) សម្រាប់គម្រោងសុខភាពតែមួយ

កិច្ចប្រជុំនេះ មានការអញ្ជើញចូលរួមពី ឯកឧត្តម សេន សុវណ្ណ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម ប៉ាក សុខារ៉ាវុត អនុរដ្ឋលេខាធិការក្រសួងបរិស្ថាន ឯកឧត្តមវេជ្ជបណ្ឌិត ហុក គឹមចេង អគ្គនាយបច្ចេកទេសសុខាភិបាល នៃក្រសួងសុខាភិបាល និងជាប្រធានលេខាធិការដ្ឋាន នៃគណៈកម្មការអន្តរក្រសួងសម្រាប់សម្របសម្រួលសុខភាពតែមួយ ព្រមទាំង ឯកឧត្តម លោក លោកស្រី ជាសមាជិក ពាក់ព័ន្ធទាំងអស់ និងដៃគូអភិវឌ្ឍន៍រួមមាន៖ PATH WHO World Bank UNFPA FAO UNICEF USAID and USCDC ៕