**ឯកឧត្តម សួស ប្រាថ្នា អញ្ជើញដឹកនាំសហការី ចូលរួមកិច្ចប្រជុំពិភាក្សាសេចក្តីព្រាងប្រកាសអន្តរក្រសួង ស្តីពីការផ្តល់សេវាសាធារណៈ**ក្រសួងការងារ បើកវគ្គបណ្តុះបណ្តាលស្តីពីការ «បង្ការនិងទប់ស្កាត់ការប្រើប្រាស់ពលកម្មកុមារ នៅតាមសហគ្រាស គ្រឹះស្ថានផលិតឥដ្ឋក្បឿង» ក្នុងខេត្តរតនគិរី**ប្រធានាធិបតីស្តីទីកូរ៉េខាងត្បូង បញ្ជាឱ្យមានវិធានការគាំទ្រជាបន្ទាន់សម្រាប់អាជីវកម្មដែលនឹងត្រូវរងផលប៉ះពាល់ដោយការដំឡើងពន្ធរបស់សហរដ្ឋអាម៉េរិក**សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខពលការិនី ឈ្មោះសឿន សំណាង រស់នៅខេត្តកំពង់ធំ រងរបួសបាក់កែងជើង ដោយសារការរញ្ជួយដីក្នុងប្រទេសថៃ**វត្ថុបុរាណដែលប្រជាពលរដ្ឋប្រទះឃេីញនៅឃុំអន្លង់រុន ស្រុកថ្មគោល ត្រូវបានប្រគល់ជូន មន្ទីរវប្បធម៌និងវិចិត្រសិល្ប:យកទៅរក្សាទុក**សិក្ខាសាលាប្រកាសដាក់ឱ្យអនុវត្តគម្រោងកែលម្អសន្តិសុខទឹកកម្ពុជា ក្រោមហិរញ្ញប្បទានពីធនាគារពិភពលោក**ប្រមុខរដ្ឋស្តីទី ចេញព្រះរាជក្រឹត្យតែងតាំងឧត្តមនាវីឯក ទៀ សុខា ជាអគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ**រដ្ឋបាលខេត្តសៀមរាប ជូនដំណឹងស្តីពីការធ្វើដំណើរដោយឥតបង់ថ្លៃ តាមរថយន្តក្រុង ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ**ទេសចរនឹងទទួលបានបទពិសោធន៍ថ្មីនៅពេលឆ្លងកាត់ខ្លោងទ្វារខាងកើតប្រាសាទអង្គរវត្ត**ឯកឧត្ដម កែ គឹមយ៉ាន៖ សម្តេចធិបតី ហ៊ុន ម៉ាណែត បានអភិរក្សអភិវឌ្ឍគាំទ្រ លើកស្ទួយសុខដុមនីយ៍កម្មសាសនា ប្រឆាំងដាច់ខាតការរើសអើងជំនឿសាសនា**អគ្គលេខាធិការNATO៖ សម្ព័ន្ធមិត្ត NATO បាននាំគ្នាសន្យាការគាំទ្រផ្នែកយោធា សម្រាប់អ៊ុយក្រែន ក្នុងរយៈពេល ៣ខែដំបូងឆ្នាំ២០២៥**គណៈប្រតិភូខេត្តដុងថាប់វៀតណាម អញ្ជើញមកបំពេញទស្សនកិច្ច និងជូនពរឆ្នាំថ្មី ដល់ថ្នាក់ដឹកនាំខេត្តបន្ទាយមានជ័យ**រដ្ឋាភិបាលយោធាមីយ៉ាន់ម៉ា ប្រកាសពីបទឈប់បាញ់បណ្ដោះអាសន្ន ខណៈចំនួនអ្នកស្លាប់ដោយសារគ្រោះរញ្ជួយដីកើនឡើង**បឹងពារាំងគឺជាតំបន់អភិរក្ស ទីជម្រកមច្ឆាជាតិ និងជីវៈចម្រុះ-ជីវសាស្រ្ត ព័ទ្ធដោយព្រៃលិចទឹក ដែលជាជម្រកត្រីមេពូជ និងសត្វស្លាបប្រមាណជាង១៧០ប្រភេទអាស្រ័យនៅ និងស្វែងរកចំណី**រដ្ឋមន្រ្តីបរិស្ថាន៖ ការគោរពច្បាប់និងបទដ្ឋានគតិយុត្តធ្វើឱ្យបរិស្ថានស្អាតនិងផលិតកម្មក្រុមហ៊ុនមានកេរ្តិ៍ឈ្មោះល្អ**ឯកឧត្ដមសាស្រ្ដាចារ្យ ឈាង រ៉ា៖ ជោគជ័យសុខភាពកុមារ គឺជាជោគជ័យដ៏ធំធេង សម្រាប់អនាគតប្រទេសជាតិ**រដ្ឋបាលខេត្តរតនគិរី ប្រជុំត្រៀមរៀបចំពិធីបុណ្យចូលឆ្នាំថ្មីប្រពៃណីជាតិខ្មែរ ដើម្បីបង្កភាពសប្បាយរីករាយជូនប្រជាពលរដ្ឋ និងភ្ញៀវទេសចរជាតិ អន្តរជាតិ**ពលរដ្ឋរងគ្រោះដោយសារគ្រោះអគ្គិភ័យឆេះផ្ទះចំនួន៣គ្រួសារ ស្ថិតនៅក្នុងភូមិបាក់ដាវក្រោម សង្កាត់បាក់ដាវ ក្រុងអរិយក្សត្រ ទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តកណ្ដាល**អាជ្ញាធរជាតិប្រយុទ្ធប្រឆាំងគ្រឿងញៀន និងសមាគមសិល្បករខ្មែរ រួមគ្នាពង្រីកសកម្មភាពផ្សព្វផ្សាយអប់រំពីបញ្ហាគ្រឿងញៀន**ចង់បង្កើតភូមថ្មី ត្រូវយល់អំពីចំណុចទាំងអស់នេះ

កម្ពុជា-ជប៉ុនសហការគ្នាវិនិយោគធុរកិច្ចបៃតង ដើម្បីបង្កើតប្រភពចំណូល បន្ថែម តាមរយៈការលក់ឥណទានកាបូន

ភ្នំពេញ៖ សមាគមឧកញ៉ាកម្ពុជា បានចុះអនុស្សារណៈយោគយល់គ្នាជាមួយក្រុមហ៊ុនមួយរបស់ជប៉ុន ដែលជាក្រុមហ៊ុនមានបទពិសោធន៍ នៅក្នុងវិស័យឥណទានកាបូន ដើម្បីសហការគ្នាក្នុងការវិនិយោគ ទៅលើឥណទានកាបូន ក្នុងការទាញយកចំណូលពីវិស័យនេះ ស្របពេលដែលកម្ពុជា បានដាក់គោលដៅជាប្រទេសអព្យាក្រិត្យកាបូន នៅឆ្នាំ២០៥០។

ការចុះអនុស្សារណៈយោគយល់គ្នានេះ បានធ្វើឡើងនៅក្នុង  «សន្និសីទស្តីពីការបង្កើតកិច្ចសហការរួមគ្នាកម្ពុជា-ជប៉ុន ចាប់យកឱកាសធុរកិច្ចនៃឥណទានកាបូននៅកម្ពុជា ដោយប្រើប្រាស់បច្ចេកវិទ្យាបៃតង និងសំហរអាកាសទំនើបចុងក្រោយបំផុត របស់ប្រទេសជប៉ុន» នាថ្ងៃទី០៧ ខែសីហា ឆ្នាំ២០២៤ ។

អ្នកឧកញ៉ា ហ៊ុន ឡាក់ អគ្គលេខាធិការសមាគមឧកញ៉ាកម្ពុជា បានប្រាប់អ្នកសារព័ត៌មានថា កិច្ចសហការនេះ ដើម្បីធ្វើយ៉ាងណាកាត់បន្ថយ នូវការបំភាយនូវឧស្ម័ន ទៅលើលំហអាកាស។ បើតាមកិច្ចប្រជុំនៅក្នុងទីក្រុងបារីស បានតម្រូវឱ្យប្រទេស ដែលមានឧស្សាហកម្មជឿនលឿនធំៗ ដែលបានបញ្ចេញឧស្ម័នបំពុលបរិស្ថាន ត្រូវតែចូលរួមទិញ កាបូននេះ ខណៈប្រទេសដែលកំពុងអភិវឌ្ឍន៍ ត្រូវ ចូលរួមអនុវត្ត ដើម្បីកាត់បន្ថយការបំភាយឧស្ម័ននេះ តាមដែលអាចធ្វើទៅបាន។

លោកបន្តថា នៅក្នុងធុរកិច្ចបៃតងនេះ មាន៥ផ្នែក គឺកសិកម្ម ឧស្សាហកម្ម បរិស្ថាន ដឹកជញ្ជូន និងសំរាម។ ការវិនិយោគនៅក្នុងវិស័យឥណទានកាបូន ទាមទារពេលវេលារយៈពេលវែង ក្នុងការសម្រេចបាន និងទាមទារឱ្យអ្នកពាក់ព័ន្ធទាំងអស់ រួមមានផលិតករ សហគមន៍ ម្ចាស់រោងចក្រឧស្សាហកម្ម ដឹកជញ្ជូន ចូលរួមរាប់ទាំងរាជរដ្ឋាភិបាលផង។

លោកបាន ឱ្យដឹងថា សម្រាប់កិច្ចសហការរវាងកម្ពុជា និងជប៉ុន ក្នុងដំណាក់កាលដំបូងនេះ ក្រុមហ៊ុនជប៉ុននឹងចុះទៅពិនិត្យមើលតំបន់ ដែលមានសក្តានុពល ជាពិសេសតំបន់ផលិតដំណាំស្រូវនៅខេត្តព្រៃវែង និងនៅក្នុងខេត្តបាត់ដំបង។

បើតាមតួលេខដែលបង្ហាញដោយក្រុមហ៊ុន ជប៉ុនក្នុងមួយឆ្នាំ កម្ពុជាអាចទាញបានចំណូល ពីការធ្វើឥណទានកាបូនពីទីផ្សារពិភពលោក បានរហូតដល់១០០លានដុល្លារ សម្រាប់តែវិស័យកសិកម្មមួយប៉ុណ្ណោះ។

សូមជម្រាបថា «សន្និសីទ ស្តីពីការបង្កើតកិច្ចសហការរួមគ្នាកម្ពុជា-ជប៉ុន ចាប់យកឱកាសធុរកិច្ចនៃឥណទានកាបូននៅកម្ពុជា ដោយប្រើប្រាស់បច្ចេកវិទ្យាបៃតង និងសំហរអាកាសទំនើបចុងក្រោយបំផុត របស់ប្រទេសជប៉ុន» បានធ្វើឡើងក្នុងគោលបំណង បង្កើនការយល់ដឹងដល់ធុរជន តាមរយៈបច្ចេកវិទ្យា និងបង្កើននូវឱកាសអាជីវកម្មថ្មីៗ ដើម្បីបង្កើតប្រភពចំណូលមួយផ្សេងទៀត តាមរយៈការលក់ឥណទានកាបូន និងពង្រីកអាជីវកម្ម តាមរបៀបបៃតង និងនិរន្តរភាព។

លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានថ្លែងថា បន្ទាប់ពីគណៈប្រតិភូសមាគមឧកញ៉ាកម្ពុជា បានចូលរួមអមដំណើរ សម្តេចធិបតីក្នុងដំណើទស្សនកិច្ច ទៅកាន់ប្រទេសជប៉ុន កាលពីចុងឆ្នាំ២០២៣រួចមក សមាគមឧកញ៉ាកម្ពុជា បានបន្តធ្វើការ ជាមួយភាគីជប៉ុនជាហូរហែ។

លោកអ្នកឧកញ៉ាមានប្រសាសន៍ថា ការធ្វើធុរកិច្ចបៃតង និងឥណទានកាបូន នៅប្រទេសជប៉ុន ជាដែលនឹងត្រូវយកមកអនុវត្តកម្ពុជា នឹងជួយប្រែក្លាយប្រទេសកម្ពុជា ជាប្រទេសឈានមុខគេ ក្នុងតំបន់ក្នុងការធ្វើធុរកិច្ចបៃតង និងឥណទានកាបូននេះ។

សូមជម្រាបផងដែរថា ចាប់ពីថ្ងៃទី៦-៧-៨ ខែសីហា ឆ្នាំ២០២៤ នេះ គណៈប្រតិភូជប៉ុនចំនួន ២៤រូប ដែលអញ្ជើញមកបំពេញ ទស្សនកិច្ចធុរកិច្ចនៅកម្ពុជា ចូលជួបសម្តែងការគួរសម សម្តេចធិបតីនាយករដ្ឋមន្ត្រី និងទស្សកិច្ចសិក្សានៅរោងចក្រនិងចំការអំពៅ ក្នុងខេត្តកំពង់ស្ពឺ, រោងចក្រ ខ្មែរ ប៊ែវើរីជីស ក្នុងទីក្រុង ភ្នំពេញ និងកសិដ្ឋានផលិតស្រូវ និងជីកំប៉ុស្តិ៍ ក្នុងខេត្តព្រៃវែងផងដែរ៕

អត្ថបទដែលជាប់ទាក់ទង