រដ្ឋបាលខេត្តស្ទឹងត្រែង ធ្វើតេស្តរកសារធាតុញៀនចំពោះមន្ត្រីរាជការក្នុងរចនាសម្ព័ន្ធរដ្ឋបាលខេត្ត

ភ្នំពេញ៖ ដើម្បីចូលរួម អនុវត្តនូវបទបញ្ជាដ៏ម៉ឺងម៉ាត់របស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងគ្រឿងញៀនខុសច្បាប់ ឈរលើ គោលការណ៍ «សំអាតផ្ទះយើង» នៅរដ្ឋបាលថ្នាក់ក្រោមជាតិឱ្យមានប្រសិទ្ធភាព រដ្ឋបាលខេត្តស្ទឹងត្រែង រៀបចំធ្វើតេស្តរកសារធាតុញៀនចំពោះលោក លោកស្រី មន្ត្រីរាជការ និងមន្ត្រីជាប់កិច្ច សន្យាទាំងអស់ នៅក្នុងរចនាសម្ព័ន្ធរដ្ឋបាលខេត្ត នៅព្រឹកថ្ងៃចន្ទ ទី១២ ខែសីហា ឆ្នាំ២០២៤ នៅសាលប្រជុំសាលាខេត្តស្ទឹងត្រែង។

ការរៀបចំធ្វើតេស្តនេះដោយយោង បទបញ្ជាលេខ ០១បប ចុះថ្ងៃទី២០ ខែកុម្ភៈ ឆ្នាំ២០២៤ ស្តីពីការដាក់ចេញវិធានការម៉ឺងម៉ាត់ ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ របស់រាជរដ្ឋាភិបាលកម្ពុជា និងអនុសាសន៍ដឹកនាំរបស់ឯកឧត្តម សរ សុពុត្រា អភិបាល នៃគណៈអភិបាលខេត្ត ក្នុងកិច្ចប្រជុំ វិសាមញ្ញ ក្រុមប្រឹក្សាខេត្ត កាលពីថ្ងៃទី០៦ ខែសីហា ឆ្នាំ២០២៤។

ជាលទ្ធផលមន្ត្រីរាជការ និងមន្ត្រីជាប់កិច្ចសន្យា ក្នុងរចនាសម្ព័ន្ធរដ្ឋបាលខេត្តស្ទឹងត្រែង (អវិជ្ជមាន) ក្នុងការតេស្តរកសារធាតុញៀន៕