ចិនប្តឹងអឺរ៉ុបជុំវិញករណីពន្ធលើរថយន្តអគ្គិសនី
ប៉េកាំង៖ ក្រសួងពាណិជ្ជកម្មចិនបានឲ្យដឹងកាលពីថ្ងៃសុក្រថា ការរកឃើញនៅក្នុងសេចក្តីសម្រេចបឋមរបស់សហភាពអឺរ៉ុបលើរថយន្តអគ្គិសនីដែលនាំចូល (EVs) ខ្វះមូលដ្ឋានជាក់ស្តែង និងផ្លូវច្បាប់ ហើយបានបំពានយ៉ាងធ្ងន់ធ្ងរទៅលើច្បាប់របស់អង្គការពាណិជ្ជកម្មពិភពលោក (WTO)។
អ្នកនាំពាក្យក្រសួងបានបញ្ជាក់នៅក្នុងសេចក្តីថ្លែងការណ៍មួយថា ប្រទេសចិនកាលពីថ្ងៃសុក្របានប្រើយន្តការដោះស្រាយជម្លោះ ដោយបើកផ្ទាំងថ្មីនៃ WTO ជុំវិញវិធានការប្រឆាំងបណ្តោះអាសន្នរបស់សហភាពអឺរ៉ុបសម្រាប់រថយន្ត EVs។
ប្រព័ន្ធផ្សព្វផ្សាយរដ្ឋរបស់ចិនបានរាយការណ៍ថា ក្រសួងបានបញ្ជាក់ថា ខ្លួនរក្សាសិទ្ធិក្នុងការប្តឹងទៅ WTO ទាក់ទងនឹងផែនការរបស់ EU ក្នុងការដាក់ពន្ធបណ្តោះអាសន្នលើរថយន្ត EVs ដែលនាំចូលពីប្រទេសចិន។
