សហព័ន្ធកីឡាតេក្វាន់ដូ ITF កម្ពុជា នឹងបញ្ជូនប្រតិភូ គ្រូបង្វឹក អាជ្ញាកណ្ដាល និងកីឡាករ-កីឡាការិនីចំនួន ២៧នាក់ ចូលរួមការប្រកួតកីឡាតេក្វាន់ដូ ITF ជ្រើសរើសជើងឯកអាស៊ី លើកទី១០ នៅប្រទេសឥណ្ឌា
ភ្នំពេញ៖ សហព័ន្ធកីឡាតេក្វាន់ដូ ITF កម្ពុជា នឹងបញ្ជូនប្រតិភូ គ្រូបង្វឹក អាជ្ញាកណ្ដាល និងកីឡាករ-កីឡាការិនីសរុបចំនួន ២៧នាក់ ចូលរួមការប្រកួតកីឡាតេក្វាន់ដូ ITF ជ្រើសរើសជើងឯកអាស៊ី លើកទី១០ នៅប្រទេសឥណ្ឌា ចាប់ពីថ្ងៃទី១៩-២៥ ខែសីហា ឆ្នាំ២០២៤ ។
ឯកឧត្តមទេសរដ្ឋមន្ដ្រី កែវ រ៉េ ប្រធានសហព័ន្ធ បានលើកទឹកចិត្តដល់កីឡាករ-កីឡាការិនីទាំងអស់ ត្រូវខិតខំប្រឹងប្រែងឲ្យបានខ្លាំងបំផុត ដើម្បីឈានទៅដណ្ដើមមេដាយជូនជាតិ ដ្បិតឯកឧត្តមចង់ឃើញទង់ជាតិខ្មែរបង្ហោះឡើង និងភ្លេងជាតិខ្មែរបន្លឺឡើងម្ដងទៀត ក្នុងព្រឹត្តិការណ៍ប្រចាំទ្វីបអាស៊ីនេះ៕
