មេបញ្ជាការយោធភូមិភាគទី៤ ទទួលបដិសណ្ឋារកិច្ចគណៈប្រតិភូ នាយទាហានវ័យក្មេង កងទ័ពប្រជាជនវៀតណាម
ភ្នំពេញ៖ ឯកឧត្តម ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ នៅថ្ងៃទី៣០ ខែសីហា ឆ្នាំ២០២៤ បានអញ្ជើញទទួលបដិសណ្ឋារកិច្ចគណៈប្រតិភូ នាយទាហានវ័យក្មេង កងទ័ពប្រជាជនវៀតណាម នៅបញ្ជាការដ្ឋានយោធភូមិភាគទី៤។
គណៈប្រតិភូ នាយទាហាន (វ័យក្មេង) កងទ័ពប្រជាជនវៀតណាម ដឹកនាំដោយលោក វរសេនីយ៍ឯក ជិន ហ៊ីវយុង (TRAN HUU DUNG) អនុប្រធាន ផ្នែកសម្ព័ន្ធយុវជនកងទ័ព អគ្គស្នងការនយោបាយ កងទ័ពប្រជាជនវៀតណាម ព្រមទាំងអស់លោក លោកស្រី និងប្រតិភូអមដំណើរ។
ឯកឧត្តម មេបញ្ជាការ យោធភូមិភាគទី៤ មានសេចក្តីរំភើបរីករាយ និងសូមសម្តែងនូវកិច្ចស្វាគមន៍ប្រកបដោយមនោសញ្ចេតនា និងកាតគោរពរាប់អានយ៉ាងជ្រាលជ្រៅជាទីបំផុត ចំពោះគណៈប្រតិភូ នាយទាហាន (វ័យក្មេង) នៃកងទ័ពប្រជាជនវៀតណាម ដែលបានមកបំពេញទស្សនកិច្ច និងសម្តែងការគួរសម ជាមួយថ្នាក់ដឹកនាំយោធភូមិភាគទី៤ នាឱកាសនេះ ស្របពេលដែលប្រទេសកម្ពុជា មានសុខសន្តិភាពពេញលេញ និងមានការអភិវឌ្ឍន៍រីកចម្រើនយ៉ាងឆាប់រហ័ស ក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ធសភា និងសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ៕