មនុស្សជាច្រើននាក់រងការបាញ់ប្រហារនៅលើផ្លូវហាយវ៉េក្នុងរដ្ឋ Kentucky អាមេរិក ខណៈប៉ូលិសកំពុងតាមចាប់ជនសង្ស័យ
វ៉ាស៊ីនតោន៖ មនុស្សជាច្រើននាក់ត្រូវរងការបាញ់ប្រហារនៅតាមផ្លូវហាយវ៉េក្នុងរដ្ឋ Kentucky ដោយមនុស្សពី៤ ទៅ៦នាក់រងរបួស ខណៈប៉ូលិសកំពុងតាមចាប់ខ្លួនជនសង្ស័យដែលជាខ្មាន់កាំភ្លើង។
ការបាញ់ប្រហារនេះបានបិទផ្លូវហាយវ៉េ Interstate 75 ក្នុងទិសដៅទាំងពីរ ដោយសារស្ថានភាពអ្នកបាញ់សកម្ម។ អាជ្ញាធរកំពុងតាមរកជនសង្ស័យម្នាក់ឈ្មោះ Joseph Couch ដែលត្រូវបានចាត់ទុកថា ជាជនប្រដាប់អាវុធ និងបង្កគ្រោះថ្នាក់។ ការិយាល័យតម្រួតបានជំរុញឱ្យពលរដ្ឋស្នាក់នៅខាងក្នុងផ្ទះរបស់ពួកគេ និងកុំព្យាយាមចូលទៅជិតជនសង្ស័យ ព្រោះបុគ្គលនោះមិនទាន់ត្រូវបានចាប់ខ្លួននៅឡើយទេ។ អភិបាលរដ្ឋ Kentucky លោក អេនឌី បេស៊ែរ Andy Beshear បានដាក់សំណើនេះទៅកាន់ប្រជាជន ចៀសវាងតំបន់ត្រូវបានបិទ។
គួរបញ្ជាក់ថា អំពើហិង្សាដោយកាំភ្លើង គឺជារឿងធម្មតាទៅហើយនៅសហរដ្ឋអាម៉េរិក ដែលមនុស្សជាច្រើនមានអាវុធប្រើប្រាស់។ ទោះបីជាការស្ទង់មតិបង្ហាញថា ប្រជាជនអាម៉េរិកពេញចិត្តនឹងការរឹតបន្តឹងលើការប្រើប្រាស់កាំភ្លើងកាន់តែច្រើនក៏ដោយ ការបញ្ចុះបញ្ចូលសិទ្ធិកាន់កាំភ្លើងដ៏មានឥទ្ធិពល ការការពាររដ្ឋធម្មនុញ្ញ និងវប្បធម៌ងប់ងុលជុំវិញការកាន់កាប់អាវុធ ធ្វើឱ្យការប៉ុនប៉ងរារាំងសិទ្ធិហាមប្រើប្រាស់កាំភ្លើង ជួបប្រទះនឹងការតស៊ូមតិយ៉ាងតានតឹង។ ការបាញ់ប្រហារនេះ កើតឡើងតែប៉ុន្មានថ្ងៃបន្ទាប់ពីការបាញ់ប្រហារដ៏ធំនៅវិទ្យាល័យ Winder រដ្ឋ Georgia ដែលបានសម្លាប់គ្រូបង្រៀនពីរនាក់ និងសិស្សពីរនាក់ និង៩នាក់ផ្សេងទៀតរងរបួស។
