អាមេរិក ថារុស្ស៊ីបានទទួលការផ្គត់ផ្ទង់កាំជ្រួចពីអ៊ីរ៉ង់ ខណៈដាក់ទណ្ឌកម្មថ្មីលើនាវា និងក្រុមហ៊ុនពាក់ព័ន្ធ
ភ្នំពេញ៖ កាលពីថ្ងៃអង្គារ សហរដ្ឋអាមេរិកបានឲ្យដឹងថា រុស្ស៊ី បានទទួលមីស៊ីលផ្លោងពីប្រទេសអ៊ីរ៉ង់ សម្រាប់សង្គ្រាមនៅអ៊ុយក្រែន ខណៈដាក់ទណ្ឌកម្មថ្មីលើនាវា និងក្រុមហ៊ុនដែលពាក់ព័ន្ធនឹងការផ្គត់ផ្គង់អាវុធអ៊ីរ៉ងដល់ទីក្រុងមូស្គូ។
រដ្ឋមន្ត្រីការបរទេសសហរដ្ឋអាមេរិក លោក Antony Blinken បានឲ្យដឹងថា ទីក្រុងវ៉ាស៊ីនតោនបានព្រមានអ៊ីរ៉ង់លក្ខណៈ ឯកជនថា ការផ្តល់មីស៊ីលផ្លោងដល់រុស្ស៊ីនឹងបណ្តាលឱ្យ “ស្ថានភាពមានភាពតានតឹងខ្លាំង នៅក្នុងសន្និ សីទសារព័ត៌មាននៅទីក្រុងឡុងដ៍ មុនពេលដំណើរទស្សនកិច្ចទៅកាន់ទីក្រុងគៀវរបស់លោក និងរដ្ឋមន្ត្រីការបរទេសអង់គ្លេស លោក David Lammy។
លោកបានបន្តថា ពេលនេះរុស្ស៊ីបានទទួលមីស៊ីលផ្លោងទាំងនេះ ហើយទំនងជានឹងប្រើប្រាស់ក្នុងរយៈពេល ប៉ុន្មានសប្តាហ៍ទៀតប្រឆាំងនឹងអ៊ុយក្រែន យោងតាមការស៊ើបការណ៍សម្ងាត់ ដែលលោកបញ្ជាក់ថា ត្រូវបានចែករំលែកជាមួយសម្ព័ន្ធមិត្ត និងដៃគូរបស់សហរដ្ឋអាមេរិកជុំវិញពិភពលោក។
សហរដ្ឋអាមេរិកបានកំណត់អត្តសញ្ញាណនាវាដែលមានដោតទង់ជាតិរុស្ស៊ីចំនួន ០៩គ្រឿង ដែលខ្លួនបានបញ្ជាក់ថា បានជាប់ពាក់ព័ន្ធក្នុងការដឹកជញ្ជូនអាវុធពីប្រទេសអ៊ីរ៉ង់ទៅកាន់ប្រទេសរុស្ស៊ី ដោយកំណត់នាវា ទាំងនោះថាជាទ្រព្យសម្បត្តិដែលត្រូវបានរាំងខ្ទប់ ក្រោមរបបទណ្ឌកម្មរបស់ទីក្រុងវ៉ាស៊ីនតោន យោងតាម គេហទំព័ររបស់ក្រសួងរតនាគារ។
