លោកជំទាវ ជូ ប៊ុនអេង ដឹកនាំកិច្ចប្រជុំពិនិត្យ និងពិភាក្សា ស្តីពីការអនុវត្តដែនការសកម្មភាពឆ្នាំ២០២៤ និងលេីកទិសដៅការងារបន្តឆ្នាំ២០២៥
ភ្នំពេញ៖ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) នាថ្ងៃសុក្រ ទី២០ ខែកញ្ញា ឆ្នាំ២០២៤ បានដឹកនាំកិច្ចប្រជុំពិនិត្យ និងរៀបចំផែនការសកម្មភាព សម្រាប់ត្រីមាសទី៤ ឆ្នាំ២០២៤ របស់អគ្គលេខាធិការដ្ឋាន គ.ជ.ប.ជ។ កិច្ចប្រជុំនេះ គឺដើម្បីពិភាក្សា និងកំណត់ជ្រើសរើសយកសកម្មភាពជាអាទិភាព របស់ក្រុមការងារជំនួយកិច្ចការអន្តរក្រសួងទាំង៦ នៃអគ្គលេខាធិការដ្ឋាន ក្នុងការអនុវត្តឱ្យសម្រេចបានក្នុងត្រីមាសទី៤ ឆ្នាំ២០២៤។
កិច្ចប្រជុំនេះដែរ ក៏មានការអញ្ជើញចូលរួមដោយ ឯកឧត្តម ងួន រតនៈ រដ្ឋលេខាធិការក្រសួងមហាផ្ទៃ លោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ នៃអគ្គលេខាធិការដ្ឋាន គ.ជ.ប.ជ ឯកឧត្តម លោកជំទាវ អគ្គលេខាធិការរង គ.ជ.ប.ជ និងលោក លោកស្រី ប្រធាន អនុប្រធាន ក្រុមជំនួយកិច្ចការអន្តរក្រសួងទាំង៦ ព្រមទាំងលោកប្រធាន និងអនុប្រធាន លេខាធិការដ្ឋានរដ្ឋបាលសរុប នៃអគ្គលេខាធិការដ្ឋាន គ.ជ.ប.ជ ជាច្រើនរូបទៀតផងដែរ៕