រដ្ឋមន្ត្រីការងារ ជួបសំណេះសំណាលជាមួយមន្ត្រីនៃមន្ទីរការងារ បេឡាជាតិសន្តិសុខសង្គម និងគ្រូ សិស្សនិស្សិតនៃគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងខេត្តសៀមរាប

ភ្នំពេញ៖ ឆ្លៀតក្នុងឱកាសដែលក្រសួងការងារ និងបណ្តុះបណ្តាលវិជ្ជាជីវៈ បានរៀបចំសិក្ខាសាលាស្តីពី «សុវត្ថិភាពមធ្យោបាយដឹកជញ្ជូនកម្មករនិយោជិត និងសុខដុមនីយកម្មទំនាក់ទំនងវិជ្ជាជីវៈនៅកម្ពុជា» ក្នុងខេត្តសៀមរាប កាលពីថ្ងៃសៅរ៍ ទី១២ ខែតុលា ឆ្នាំ២០២៤ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានជួបសំណេះសំណាលជាមួយថ្នាក់ដឹកនាំ និងមន្ត្រីនៃមន្ទីរការងារ និងបណ្តុះបណ្តាលវិជ្ជាជីវៈ, បេឡាជាតិសន្តិសុខសង្គម, និងគ្រូ សិស្សនិស្សិតនៃគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងខេត្តសៀមរាប។

នៅក្នុងឱកាសជួបសំណេះសំណាលនេះ ឯកឧត្តម រដ្ឋមន្ត្រី បានផ្តល់អនុសាសន៍គន្លឹះដើម្បីពង្រឹងប្រសិទ្ធភាព លើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ៕