លោកជំទាវ យ៉ិនទៀង ពុទ្ធិរស្មី ជួបលោកជំទាវ ម៉ែន នារីសោភ័គ ពិភាក្សាពីសេចក្តីព្រាងសេចក្តីសម្រេចចិត្តចំនួន៥ ពាក់ព័ន្ធច្បាប់មនុស្សធម៌អន្តរជាតិ
ភ្នំពេញ៖ លោកជំទាវ យ៉ិនទៀង ពុទ្ធិរស្មី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ នៅថ្ងៃទី១៦ ខែតុលា ឆ្នាំ២០២៤ បានទទួលជួប លោកជំទាវ ម៉ែន នារីសោភ័គ អគ្គលេខាធិការរងទី១ នៃកាកបាទក្រហមកម្ពុជា នៅទីស្តីការក្រសួង ដើម្បីពិភាក្សាអំពីសេចក្តីព្រាងសេចក្តីសម្រេចចិត្តចំនួន៥ ពាក់ព័ន្ធច្បាប់មនុស្សធម៌អន្តរជាតិ ដែលគ្រោងអនុម័ត ក្នុងអំឡុងសន្និសីទអន្តរជាតិរបស់កាកបាទប្រហម និងអឌ្ឍចន្ទក្រហមលើកទី៣៤ ពីថ្ងៃទី២៣ ដល់ថ្ងៃទី៣១ ខែតុលា ឆ្នាំ២០២៤ នៅទីក្រុងហ្សឺណែវ ប្រទេសស្វីស ដែលគណៈប្រតិភូកាកបាទក្រហមកម្ពុជា នឹងអញ្ជើញចូលរួម។
នៅក្នុងឱកាសនោះដែរភាគីទាំងពីរក៏បានផ្លាស់ប្តូរយោបល់អំពីការជំរុញការបង្កើតយន្តការអនុវត្តច្បាប់មនុស្សធម៌អន្តរជាតិ អនុលោមតាមសេចក្តីសំរេចស្តីពីការបង្កើតគណៈកម្មការចំរុះសំរាប់ការអនុវត្តន៍ច្បាប់មនុស្សធម៌អន្តរជាតិ។
