ប្រធានគណៈមេធាវីថ្មី សន្យាអនុវត្តតាម គោលនយោបាយ ៩ ចំណុចរបស់ខ្លួន

ភ្នំពេញ៖ លោក សាំង វណ្ណៈ ប្រធាន គណៈមេធាវីនៃ ព្រះរាជា ណា ចក្រ កម្ពុជាសម្រាប់អាណត្តិទី១៥ សន្យា សម្រេច ឱ្យបានជោគជ័យ ស្រប តាម គោលនយោបាយ ចំនួន ៩ ចំណុ ច ដែល លោក បានសន្យា ចំពោះ មុខ សហភាតា និង ថ្នាក់ដឹកនាំ ទាំងអស់។

ជាអនុប្រធានក្រុម មេធាវីស្ម័គ្រ ចិត្ត សម្តេចតេជោ ទីប្រឹក្សាអម ក្រសួងយុត្តិធម៌ និងជា សមាជិកក្រុម ប្រឹក្សាគណៈមេធាវី លោក សាំង វណ្ណៈ ទទួលបានសំឡេង គាំទ្រ៧៤,៤៩ភាគរយពីក្នុងចំណោម អ្នកមាន សិទ្ធិបោះឆ្នោត ២៨២៦នាក់ ដើម្បីក្លាយជា ប្រធានគណៈមេធាវីនៃព្រះរាជាណា ចក្រ កម្ពុជា អាណត្តិទី១៥ ពីឆ្នាំ២០២៤ ដល់ឆ្នាំ២០២៦។

ក្នុងការប្រជែងនេះ លោក សាំង វណ្ណៈ ទទួល បាន សំឡេង គាំទ្រ ច្រើនជាង លោកមេធាវី ព្រហ្ម វិចិត្រអក្ខរា, លោកមេធាវី សេក សោភ័ណ, លោក រុន រ័ត្នវាសនា, និងលោកស្រី មេធាវី សេង វួចហ៊ុន ហើយត្រូវបន្តតំណែងពី លោក លី ច័ន្ទ តុលា ដែល បាន ដឹកនាំ២អាណត្តិកន្លងមក។

«ជាកម្លាំងចិត្តជំរុញឱ្យខ្ញុំបាទដឹកនាំគណៈមេធាវីនៃព្រះរាជាណាចក្រកម្ពុជាសម្រេចបាននូវជោគជ័យស្របតាមគោលនយោបាយចំនួន៩ចំណុចរបស់ខ្ញុំបាទ ដើម្បីឆ្ពោះទៅកាន់វិបុលភាពនៃវិជ្ជាជីវៈមេធាវី»។

លោក មេធាវី សាំង វណ្ណៈ បានសន្យា បែបនេះ ដើម្បីតបស្នង ទៅនឹង ការ ផ្តល់ទំនុក ចិត្តរបស់សហភាតា ថ្នាក់ដឹកនាំ អតីត ប្រធានគណៈមេធាវី ព្រឹទ្ធាចារ្យ និង រៀមច្បងទាំងអស់ ចំពោះរូបលោក។

វ័យ ៤៩ ឆ្នាំ ហើយ បាន បំពេញ វិជ្ជាជីវៈមេធាវី តាំងពីឆ្នាំ២០០៦មក លោក សាំង វណ្ណៈ បាន ប្រកាសនូវគោលនយោបាយ ៩ចំណុច សម្រាប់ការ ដឹកនាំអង្គភាព គណៈមេធាវីអាណត្តិទី៥ ដើម្បីវិបុល ភាពនៃ វិជ្ជាជីវៈមេធាវី។

ចូលរួមជាមួយ រដ្ឋាភិបាល និងតួអង្គពាក់ព័ន្ធ ដើម្បី លើកកម្ពស់ យុត្តិធម៌សង្គម និងពង្រឹង ប្រសិទ្ធភាព នៃការអនុវត្តច្បាប់ គឺជាចំណុច សំខាន់ទី១ ដែល លោក សាំង វណ្ណៈ បាន កំណត់ក្នុង បេសសកកម្ម របស់ខ្លួន ហើយចំណុច បន្ទាប់មានដូចជា ពន្លឿនការវិសោធនកម្ម ច្បាប់, ពង្រឹងការអនុវត្ត វិធានវិជ្ជាជីវៈ ការពារមេធាវី និងជំរុញកិច្ច សហប្រតិបត្តិការជាពិសេសជាមួយ មន្ត្រីនគរបាលយុត្តិធម៌។

ប្រធាន អាណត្តិថ្មីរូបនេះ ក៏ផ្តោតផងដែរនូវ ការពង្រឹង និងពង្រីកយន្តការ បណ្តុះបណ្តាល, ការពង្រឹងការសុំ ចូលប្រកប វិជ្ជាជីវៈមេធាវី, ការពង្រីកទំនើបកម្ម និង បង្កើន ប្រសិទ្ធប្រព័ន្ធគ្រប់គ្រង, ការ បង្កើនកិច្ច សហប្រតិបត្តិការលើ ការផ្សព្វផ្សាយ និងពង្រីក វិសាលភាព ការងារ, ការអនុវត្តគោលនយោបាយ សុខុមាលភាព និង ការបន្ត អនុវត្តគោលនយោបាយសំខាន់ៗរបស់គ្រប់អតីត ប្រធានគណៈមេធាវី។

កាលពីថ្ងៃទី១៦ ខែតុលា មហាសន្និបាតក៏បានបោះឆ្នោតជ្រើស តាំងសមាជិកក្រុម ប្រឹក្សា គណៈមេធាវី អាណត្តិទី១១ (ឆ្នាំ២០២៤-២០២៧) ដែលមាន ចំនួន ៣៣ រូបផងដែរ។

គណៈមេធាវីនៃព្រះរាជាណាចក្រកម្ពុជា (The Bar Association of the Kingdom of Cambodia) បង្កើតឡើងកាលពីឆ្នាំ១៩៩៥  មក ដោយមានបេសកកម្មធំៗបី គឺ ការពង្រឹងវិជ្ជាជីវៈមេធាវី ការផ្តល់ជំនួយផ្នែកច្បាប់ដល់ជនក្រីក្រ និងការផ្សព្វផ្សាយច្បាប់ជូនសាធារណជន។

បើគិតចាប់តាំងពីឆ្នាំ១៩៩៥មក លោក សាយ បូរី ដែលជាស្ថាបនិក បានកាន់តំណែងជាប្រធានក្នុងអាណត្តិទី១ និងទី២។ លោក អាំង អេងថុង សម្រាប់អណត្តិទី៣ និង៤ លោក គី តិច (អាណត្តិទី៥ និងទី៦) លោក ជីវ សុខហាក់ (អាណត្តិទី៧ និងទី៨), លោក ប៊ុន ហុន (អាណត្តិទី៩ និងទី១០) លោក សួន វិសាល (អាណត្តិទី១១ និងទី១២) និងលោក លី ច័ន្ទតុលា (អាណត្តិទី១៣ និងទី១៤)៕