គណៈប្រតិភូជាន់ខ្ពស់រដ្ឋសភាកម្ពុជា អញ្ជើញទស្សនាក្រុងហ្លួងព្រះបាង ប្រទេសឡាវ

ភ្នំពេញ៖ បន្ទាប់ពីបញ្ចប់មហាសន្និបាតអាយប៉ាលើកទី៤៥ រដ្ឋសភាប្រទេសឡាវ បានរៀបចំដំណើរទស្សនកិច្ចជូនគណៈប្រតិភូសភាកម្ពុជានិងគណៈប្រតិភូសភាប្រទេសដ៏ទៅទៀត ទស្សនាខេត្តហ្លួងព្រះបាងនៅព្រឹកថ្ងៃទី២២ ខែតុលា ឆ្នាំ២០២៤។

គណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ដឹកនាំដោយសម្តេចមហារដ្ឋសភាធិបតី ឃួន សុដារី ប្រធានរដ្ឋសភា។

ក្រុងហ្លួងព្រះបាង ជាក្រុងដ៏ចំណាស់មួយរបស់ប្រទេសឡាវ តំបន់ប្រវត្តិសាស្រ្តនៅក្នុងក្រុងបានចុះបញ្ជីក្នុងបេតិកភណ្ឌពិភពលោក នៅក្នុងឆ្នាំ១៩៩៥។ ស្ថិតនៅភាគខាងជើងប្រទេស ហ្លួងព្រះបាង ជាតំបន់ទេសចរណ៍ វប្បធម៌ល្បីល្បាញមួយរបស់ប្រទេសឡាវ។ គណៈប្រតិភូជាន់ខ្ពស់រដ្ឋសភាកម្ពុជា ក៏ដូចជាគណៈប្រតិភូសភាប្រទេសផ្សេងទៀត បានទស្សនា ប្រាសាទ XiengThong ទស្សនាសារមន្ទីរហ្លួងព្រះបាង និងទឹកធ្លាក់ Kuang Xi។

ដំណើរទស្សនកិច្ច គណៈប្រតិភូជាន់ខ្ពស់រដ្ឋសភាកម្ពុជានៅហ្លួងព្រះបាង បានភ្ជាប់ទំនាក់ទំនងអរិយធម៌ដ៍ចំណាស់ សប្បូរបែបនិងយូរលុងប្រទេសទាំងពីរ និងជាការភ្ជាប់ទំនាក់ទងប្រជាជននិងប្រជាជន ដែលជាគ្រឹះនៃការពង្រឹងកិច្ចសហប្រតិបត្តិការទំាងការងារការទូតសភា ទេសចរណ៍ វប្បធម៌ សេដ្ឋកិច្ច ពាណិជ្ជកម្ម ទាំងទ្វេភាគីនិងពហុភាគី៕