អាល្លឺម៉ង់ ប្រកាសបិទស្ថានកុងស៊ុលអ៊ីរ៉ង់ទាំងបីនៅលើទឹកដីរបស់ខ្លួន បន្ទាប់ពីការប្រហារជីវិតសញ្ជាតិអាល្លឺម៉ង់-អ៊ីរ៉ង់ម្នាក់

ប៊ែកឡាំង៖ យោងតាមការចេញផ្សាយដោយទីភ្នាក់ងារសារព័ត៌មាន Reuters បានឱ្យដឹងថា ក្រសួងការបរទេសអាល្លឺម៉ង់ នៅថ្ងៃព្រហស្បតិ៍សប្តាហ៍នេះបានប្រកាសថា ខ្លួននឹងបិទស្ថានកុងស៊ុលអ៊ីរ៉ង់ទាំងបីនៅលើទឹកដីរបស់ខ្លួន ជាការឆ្លើយតបទៅនឹងការប្រហារជីវិតសញ្ជាតិអាល្លឺម៉ង់-អ៊ីរ៉ង់ លោក Jamshid Sharmahd។

ទោះជាយ៉ាងណា អាល្លឺម៉ង់នៅអនុញ្ញាតឱ្យស្ថានទូតអ៊ីរ៉ង់នៅទីក្រុងប៊ែរឡាំងបន្តបើកដំណើរការ។ រដ្ឋមន្រ្តីការបរទេសអាល្លឺម៉ង់ លោកស្រី Annalena Baerbock បាននិយាយនៅទីក្រុងញូវយ៉កថា «ទំនាក់ទំនងការទូតរបស់យើង គឺធ្លាក់ក្រោមចំណុចទាបរួចទៅហើយ»។

គួរបញ្ជាក់ថា ជុំវិញ ការ ប្រហារជីវិត លោក Jamshid Sharmahd នេះ អាល្លឺម៉ង់ បាន កោះហៅ ឯកអគ្គរដ្ឋទូតរបស់ខ្លួនប្រចាំនៅ អ៊ីរ៉ង់ឱ្យត្រឡប់ចូលប្រទេសវិញ និងបានកោះហៅ ឯកអគ្គរដ្ឋទូតអ៊ីរ៉ង់ឱ្យចូលឆ្លើយ បំភ្លឺ ចំពោះការតវ៉ារបស់ក្រុងប៊ែរឡាំង។ ប្រព័ន្ធផ្សព្វផ្សាយរដ្ឋអ៊ីរ៉ង់ បានរាយការណ៍ថា លោក Sharmahd ត្រូវបានគេកាត់ទោសប្រហារជីវិត បន្ទាប់ពីត្រូវបានកាត់ទោសពីបទធ្វើ ការវាយប្រហារភេរវកម្ម៕