សម្តេចតេជោ៖ ការផ្គូរផ្គងកីឡាករឱ្យប្រកួតរាល់សប្តាហ៍នឹងធ្វើឱ្យខូចកីឡាករ
ភ្នំពេញ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានមានប្រសាសន៍ថា ការផ្គូរផ្គងកីឡាករឱ្យប្រកួតរាល់សប្តាហ៍នឹងធ្វើឱ្យខូចកីឡាករ និងឆាប់ចុះខ្សោយ។
សម្ដេចតេជោ មានប្រសាសន៍បែបនេះក្នុងឱកាសអញ្ជើញសំណេះសំណាល និងពិសាភោជនាហារ សាមគ្គីជាមួយក្រុមកីឡាបាល់ទាត់តារាកម្ពុជា និងក្រុមកីឡាបាល់ទាត់ប្រដាល់គុនខ្មែរ នៅល្ងាចថ្ងៃសុក្រ ទី១ ខែវិច្ឆិកា ឆ្នាំ២០២៤នេះ។
សម្តេចតេជោ បានណែនាំឱ្យអ្នកគ្រប់គ្រងកីឡាករប្រដាល់យកចិត្តទុកដាក់លើការផ្គូរផ្គងកីឡាករ មិនអាចផ្គូរផ្គងឱ្យប្រកួតរាល់សប្តាហ៍ មិនអាចចេះតែធ្វើតាមចំណង់ចំណូលចិត្តនោះទេ។
សម្តេចតេជោ បន្ថែមថា ការខ្វះកីឡាករ កីឡាការិនីប្រដាល់ ព្រោះខ្វះខាតការបណ្តុះបណ្តាលកីឡា និងស្នើឱ្យមានការពិចារណាជួយគាំទ្រការបណ្តុះបណ្តាលតាមបណ្តាក្លឹបនៅតាមខេត្តទូទាំងប្រទេស៕
