ថ្នាក់ដឹកនាំអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ចុះសិក្សាពីទីតាំង ដើម្បីដំឡើងប្រព័ន្ធកាមេរ៉ាសុវត្ថិភាពវ័យឆ្លាត (AI) នៅមណ្ឌលអប់រំកែប្រែទី១

ភ្នំពេញ៖ នៅថ្ងៃពុធ ទី៦ ខែតុលា ឆ្នាំ២០២៤ ថ្នាក់ដឹកនាំនៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដែលដឹកនាំដោយលោកឧត្តមសេនីយ៍ត្រី ង៉ែត សុគន្ធារិទ្ធ ប្រធាននាយកដ្ឋានហេដ្ឋារចនាសម្ព័ន្ធបច្ចេកវិទ្យាគមនាគមន៍ និងព័ត៌មាន
បានដឹកនាំក្រុមការងាររៀបចំដំឡើង និងតភ្ជាប់ប្រព័ន្ធកាម៉េរ៉ាសុវត្ថិភាព ចុះជួបពិភាក្សាជាមួយឯកឧត្តម ឧត្តមអគ្គានុរក្ស.១ នុត សវនា អគ្គនាយករង និងជាប្រធានមណ្ឌលអប់រំកែប្រែទី១ ព្រមទាំងមន្ត្រីបច្ចេកទេស ដើម្បីសិក្សាអំពីគោលដៅ និងកំណត់ទីតាំងមួយចំនួនចាំបាច់ នៅបរិវេណក្នុង និងក្រៅ ក៏ដូចជាជុំវិញមណ្ឌល ដើម្បីរៀបចំដំឡើងប្រព័ន្ធកាមេរ៉ាសុវត្ថិភាពវៃឆ្លាត (ប្រភេទ AI) ក្នុងពេលដ៏ខ្លីខាងមុខ ក្នុងការពង្រឹងសន្តិសុខ សុវត្ថិភាពឱ្យកាន់តែរឹងមាំនៅក្នុងមណ្ឌល ក៏ដូចជានៅតាមមណ្ឌលអប់រំកែប្រែទូទាំងប្រទេស របស់ក្រសួងមហាផ្ទៃផងដែរ៕