ប្រធានាធិបតី Abkhazia ប្រកាសលាលែងពីតំណែង ចំពេលមានរលកនៃភាពចលាចលប្រឆាំងរដ្ឋាភិបាល
បរទេស៖ ប្រធានាធិបតី Abkhazia លោក Aslan Bzhania បានដាក់លិខិតលាលែងពីតំណែង ចំពេលមានរលកនៃភាពចលាចលប្រឆាំងរដ្ឋាភិបាលក្នុងរដ្ឋក្រោយសូវៀត ដោយជំរុញឱ្យក្រុមអ្នកតវ៉ាបំពេញផ្នែកនៃកិច្ចព្រមព្រៀងរបស់ពួកគេ ហើយដកតំណែងអគាររដ្ឋាភិបាលដែលកាន់កាប់នៅ Sukhumi។
ការប្រកាសនេះធ្វើឡើងបន្ទាប់ពីមានការចរចារយៈពេលប្រាំបីម៉ោងជាមួយក្រុមប្រឆាំងកាលពីថ្ងៃចន្ទ ក្នុងអំឡុងពេលដែលរដ្ឋាភិបាលរបស់លោក Bzhania ព្យាយាមដោះស្រាយវិបត្តិដែលបានផ្ទុះឡើងកាលពីសប្តាហ៍មុន។
ដើម្បីរក្សាស្ថិរភាព និងសណ្តាប់ធ្នាប់រដ្ឋធម្មនុញ្ញក្នុងប្រទេស ស្របតាមមាត្រា ៦៥ នៃរដ្ឋធម្មនុញ្ញនៃសាធារណរដ្ឋ Abkhazia, លោក Bzhania កំពុងលាលែងពីតំណែងជាប្រធានាធិបតីនៃសាធារណរដ្ឋ Abkhazia។
សភាត្រូវបានគេរំពឹងថានឹងពិចារណាលើលិខិតលាលែងរបស់លោកនៅចុងថ្ងៃអង្គារ។ ការិយាល័យរបស់គាត់បានឲ្យដឹងថា ទោះបីជាយ៉ាងណាក៏ដោយ ប្រសិនបើក្រុមអ្នកតវ៉ាមិនព្រមចាកចេញពីអគាររដ្ឋាភិបាលលោក Bzhania នឹងលុបចោលការលាលែងពីតំណែងរបស់គាត់។
ក្រោមកិច្ចព្រមព្រៀងជាមួយបក្សប្រឆាំង នាយករដ្ឋមន្ត្រី Aleksander Ankvab ក៏នឹងចុះចេញពីតំណែង ហើយត្រូវជំនួសដោយអតីតនាយករដ្ឋមន្ត្រី Valeri Bganba ហើយអនុប្រធានាធិបតី Badra Gunba នឹងធ្វើជាមេដឹកនាំស្តីទីរបស់ប្រទេស រហូតដល់ការបោះឆ្នោតថ្មីកើតឡើង។
ភាពចលាចលបានចាប់ផ្តើមកាលពីសប្តាហ៍មុន នៅពេលដែលសភារបស់ Abkhazia កំពុងពិចារណាលើកិច្ចព្រមព្រៀងជាមួយទីក្រុងម៉ូស្គូ ដែលនឹងអនុញ្ញាតឱ្យក្រុមហ៊ុនរុស្ស៊ីធ្វើគម្រោងវិនិយោគនៅក្នុងតំបន់។ ក្រុមប្រឆាំងបានអះអាងថា កិច្ចព្រមព្រៀងនេះនឹងផ្តល់អត្ថប្រយោជន៍យ៉ាងសំខាន់ដល់អាជីវកម្មរុស្ស៊ី។
កាលពីថ្ងៃសុក្រ ក្រុមបាតុករបានសម្រុកចូលអគាររដ្ឋាភិបាលដោយទាមទារឲ្យលោក Bzhania ចុះចេញពីតំណែង។ មនុស្សជាច្រើននាក់បានរងរបួសក្នុងការប៉ះទង្គិចជាមួយប៉ូលិស។ ក្រុមអ្នកតវ៉ាបានច្រានចោលសំណើរសម្រាប់ការបោះឆ្នោតមុនកាលកំណត់ ហើយបានបដិសេធមិនព្រមចាកចេញពីអគាររដ្ឋាភិបាលរហូតដល់លោក Bzhania លាលែងពីតំណែង។
ដំបូងឡើយ លោក Bzhania បានបដិសេធមិនចុះចេញពីដំណែង ដោយចាត់ទុកភាពចលាចលថាជា “ការប៉ុនប៉ងធ្វើរដ្ឋប្រហារ។ លោកបានចោទប្រកាន់គូប្រជែងរបស់គាត់ថាបានប្រើវោហាសាស្ត្ររលាកប្រឆាំងនឹងរុស្ស៊ី និងចូលរួមក្នុងសមរភូមិនយោបាយកខ្វក់ ក្នុងគោលបំណងធ្វើឱ្យខូចដល់ដំណើរការបោះឆ្នោត។
លោកបានបញ្ជាក់នៅក្នុងបទសម្ភាសន៍ផ្តាច់មុខជាមួយ RT ដែលចាក់ផ្សាយកាលពីថ្ងៃអាទិត្យថា ពួកគេចង់ដាក់ជម្រើសដ៏បង្ខំមួយលើអ្នកបោះឆ្នោតរបស់យើង។
ក្រុមប្រឆាំងបានចោទប្រកាន់លោក Bzhania ពីការប៉ុនប៉ងប្រើប្រាស់ទំនាក់ទំនងជាមួយទីក្រុងមូស្គូដើម្បីផលប្រយោជន៍ផ្ទាល់ខ្លួនរបស់គាត់ ហើយបានទទូចថាការតវ៉ានេះមិនមានគោលបំណងធ្វើឱ្យខូចទំនាក់ទំនងជាមួយរុស្ស៊ីទេ ប៉ុន្តែជាការការពារផលប្រយោជន៍ជាតិ និងធនធានធម្មជាតិរបស់ Abkhazia។
