ឯកឧត្តម សួស ប្រាថ្នា ដឹកនាំកិច្ចប្រជុំ ការចាប់ផ្តើមបេសកកម្មក្រុមការងារធនាគារពិភពលោកគាំទ្រការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅកម្ពុជា
ភ្នំពេញ៖ នៅទីស្ដីការក្រសួងមហាផ្ទៃ នារសៀលថ្ងៃចន្ទ ទី២ ខែធ្នូ ឆ្នាំ២០២៤នេះ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ និងជានាយកគម្រោង បានអញ្ជើញជាធិបតីដឹកនាំកិច្ចប្រជុំ ការចាប់ផ្តើមបេសកកម្មក្រុមការងារធនាគារពិភពលោកគាំទ្រការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា។
កិច្ចប្រជុំនេះ មានការអញ្ជើញចូលរួមពី លោកស្រី Katelijn Van den Berg ប្រធានក្រុមបេសកកម្មធនាគារពិភពលោក, ថ្នាក់ដឹកនាំអង្គភាពអនុវត្តគម្រោងក្រសួងសាធារណការ និងដឹកជញ្ជូន, អង្គភាពអនុវត្តគម្រោងក្រសួងបរិស្ថាន តំណាងអគ្គនាយកដ្ឋានដោះស្រាយផលប៉ះពាល់ដោយសារគម្រោងអភិវឌ្ឍន៍នៃក្រសួងសេដ្ឋកិច្ច និងហិរញ្ញវត្ថុ និងអ្នកពាក់ព័ន្ធសរុបប្រមាណ ៤០រូប។
កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យមើលវឌ្ឍនភាព និងសកម្មភាពដែលបានអនុវត្តធៀបទៅនឹងរបាយការណ៍បេសកកម្មកន្លងទៅ ស្ថានភាពនៃការដោះស្រាយផលប៉ះពាល់ និងការរៀបចំផែនការលម្អិតលើការដោះស្រាយផលប៉ះពាល់សម្រាប់ខេត្តសៀមរាប និងខេត្តកណ្ដាល និងកិច្ចការផ្សេងៗទៀត ៕
