អ្នកនាំពាក្យស្នងការដ្ឋាននគរបាលខេត្តតាកែវ បំភ្លឺករណីចាប់ខ្លួនលោកយាយម្នាក់ អាយុ៨២ឆ្នាំនៅស្រុកបាទី ខេត្តតាកែវ តាមដីការបស់តុលាការ
ភ្នំពេញ៖ អ្នកនាំពាក្យ នៃស្នងការដ្ឋាននគរបាលខេត្តតាកែវ បានចេញសេចក្តីបំភ្លឺព័ត៌មានជុំវិញការចុះផ្សាយរបស់គណនី ហ្វេសប៊ុក (Faecbook) និងតិកតុក (TikTok) ឈ្មោះ kong Kan TV កាលពីថ្ងៃទី០២ ខែធ្នូ ឆ្នាំ២០២៤។
អ្នកនាំពាក្យ នៃស្នងការដ្ឋាននគរបាលខេត្តតាកែវ សូមបំភ្លឺជូនសាធារណជន ក៏ដូចជាអ្នកសារព័ត៌មាន (ប្រព័ន្ធផ្សព្វផ្សាយសង្គម)ទាំងអស់ មេត្តាជ្រាប៖ កាលពីថ្ងៃទី០១ ខែធ្នូ ឆ្នាំ២០២៤ វេលាម៉ោង១៦និង០០នាទី កម្លាំងជំនាញ នៃអធិការដ្ឋាននគរបាលស្រុកបាទី បានធ្វើការចាប់ខ្លួនស្ត្រីចំណាស់ម្នាក់តាមដីកាបង្គាប់ឱ្យ ចាប់ខ្លួន-ឃុំខ្លួនរបស់ស្ថាប័នអយ្យការអមសាលាដំបូងខេត្តតាកែវ លេខ០២៥/២៤ ចុះថ្ងៃទី០៥ ខែមេសា ឆ្នាំ២០២៤ ចោទប្រកាន់ពីបទ “ធ្វើឱ្យខូចខាតដោយចេតនា និងបទធ្វើឱ្យបាត់ជំនឿលើសេចក្តីសម្រេចរបស់តុលាការ” ប្រព្រឹត្តនៅភូមិត្នោត ឃុំត្នោត ស្រុកបាទី ខេត្តតាកែវ កាលពីថ្ងៃទី២៩ ខែធ្នូ ឆ្នាំ២០២១ ៕
