លោក ហេង សុថា ណែនាំដល់អភិបាលរងក្រុងក្រចេះ ដែលទេីបចូលកាន់តំណែងថ្មី ធ្វេីយ៉ាងណារក្សាសាមគ្គីភាពផ្ទៃក្នុងឱ្យបានល្អ និងបន្តអនុវត្តការងារឱ្យមានប្រសិទ្ធភាព

ភ្នំពេញ៖ កាលពីព្រឹកថ្ងៃចន្ទ ៨រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែធ្នូ ឆ្នាំ២០២៤ នៅសាលប្រជុំសាលាក្រុងក្រចេះ លោក ហេង សុថា អភិបាលខេត្តស្តីទី បានអញ្ជេីញជាអធិបតីភាពក្នុងពិធីប្រកាសចូលកាន់មុខតំណែងអភិបាលរងក្រុងក្រចេះ។

សូមជម្រាបថា៖ យោងប្រកាសលេខ៧៣៥០ប្រក របស់ក្រសួងមហាផ្ទៃ ត្រូវបានតែងតាំង លោក ធុន សូនិច ឋានន្តរស័កិ្តនាយក្រមការ ថ្នាក់លេខ៦ ជាអភិបាលរងក្រុងក្រចេះ។

ពិធីនេះផងដែរក៏មានការអញ្ជើញចូលរួមពី លោក ម៉ែន វណ្ណា នាយករដ្ឋបាលខេត្ត លោក លោកស្រី ប្រធាន អនុប្រធានមន្ទីរជុំវិញខេត្ត កងកម្លាំងទាំងបី ក្រុមប្រឹក្សាក្រុង អភិបាល អភិបាលរងក្រុង ចៅសង្កាត់ និងមន្រ្តីសាលាក្រុងផងដែរ។

លោក ហេង សុថា បានមានប្រសាសន៍ សំណេះសំណាល និងផ្តាំផ្ញេីដល់លោកអភិបាល អភិបាលរង និងមន្រ្តីទាំងអស់ក្នុងសាលាក្រុង ជាពិសេសលោកអភិបាលរងក្រុង ដែលទេីបនិងចូលកាន់តំណែងថ្មីនាពេលនេះ ធ្វេីយ៉ាងណារក្សាសាមគ្គីភាពផ្ទៃក្នុងឱ្យបានល្អ និងបន្តអនុវត្តការងារឱ្យមានប្រសិទ្ធភាព និងគុណភាព ខិតខំបំរេីសេវាតម្រូវការជូនប្រជាពលរដ្ឋឱ្យបានលឿនទាន់ពេលវេលា និងប្រកបដោយតម្លាភាព ប្រសិទ្ធភាព ហេីយចេះសហការគ្នាឱ្យបានល្អ ដេីម្បីអភិវឌ្ឍក្នុងមូលដ្ឋាន របស់ខ្លួនប្រកបដោយចេរភាព ៕