អ៊ីស្រាអែល និងក្រុមហាម៉ាស់ ស្តីបន្ទោសគ្នាទៅវិញទៅមកចំពោះការពន្យារពេលក្នុងការឈានដល់កិច្ចព្រមព្រៀងបទឈប់បាញ់នៅតំបន់ហ្គាហ្សា
ហ្សេរុយសាឡឹម៖ អ៊ីស្រាអែល និងក្រុមហាម៉ាសបានផ្លាស់ប្តូរការចោទប្រកាន់ ដោយម្នាក់ៗបន្ទោសគ្នាទៅវិញទៅមកចំពោះការពន្យារពេលក្នុងការឈានដល់កិច្ចព្រមព្រៀងបទឈប់បាញ់នៅតំបន់ហ្គាហ្សា។
នៅក្នុងសេចក្តីថ្លែងការណ៍មួយ ក្រុមហាម៉ាសបានឲ្យដឹងថា កិច្ចចរចានៅទីក្រុងដូហា ដែលសម្របសម្រួលដោយកាតា និងអេហ្ស៊ីប កំពុងដំណើរការយ៉ាងធ្ងន់ធ្ងរ។ ទោះជាយ៉ាងណាក៏ដោយ វាបានចោទប្រកាន់អ៊ីស្រាអែលថាបានណែនាំលក្ខខណ្ឌថ្មីទាក់ទងនឹងបញ្ហានៃការដកខ្លួន (ពីតំបន់ហ្គាហ្សា) បទឈប់បាញ់ អ្នកទោស និងការវិលត្រឡប់មកវិញនៃជនភៀសខ្លួន។ លក្ខខណ្ឌទាំងនេះ ក្រុមហាម៉ាសបានអះអាងថា បណ្តាលឱ្យការពន្យារពេលក្នុងការសម្រេចបាននូវកិច្ចព្រមព្រៀងមួយ ដែលស្ថិតក្នុងការឈានដល់។
ជាការឆ្លើយតប ការិយាល័យរបស់នាយករដ្ឋមន្ត្រីអ៊ីស្រាអែល លោក Benjamin Netanyahu បានចេញសេចក្តីថ្លែងការណ៍មួយ ដោយបដិសេធការចោទប្រកាន់របស់ក្រុមហាម៉ាស។ សេចក្តីថ្លែងការណ៍បានបន្តថា ក្រុមហាម៉ាស់បានដើរថយក្រោយលើការយោគយល់គ្នាដែលបានឈានដល់រួចហើយ ហើយកំពុងរារាំងការចរចា។
កាលពីថ្ងៃអង្គារ អ៊ីស្រាអែលបានរំលឹកឡើងវិញនូវគណៈប្រតិភូរបស់ខ្លួនពីកិច្ចពិភាក្សានៅទីក្រុង Doha ដោយបញ្ជាក់ថាក្រុមនេះបានចូលរួមនៅក្នុងសប្តាហ៍នៃការពិភាក្សា ប្រកបដោយអត្ថន័យ។ ការិយាល័យនេះបានបន្តថា ក្រុមការងារកំពុងត្រលប់មកវិញសម្រាប់ការពិគ្រោះយោបល់ផ្ទៃក្នុងនៅក្នុងប្រទេសអ៊ីស្រាអែលទាក់ទងនឹងការបន្តការចរចារសម្រាប់ការវិលត្រឡប់នៃចំណាប់ខ្មាំងរបស់យើង។
ការដកកងកម្លាំងអ៊ីស្រាអែលចេញពីតំបន់ឆ្នេរប៉ាឡេស្ទីន និងរយៈពេលនៃបទឈប់បាញ់ គឺជាចំណុចគន្លឹះក្នុងការព្យាយាមចរចាដែលបរាជ័យពីមុន។ ក្រុមហាម៉ាស់ស្វែងរកការបញ្ចប់សង្រ្គាមទាំងស្រុង ខណៈពេលដែលអ៊ីស្រាអែលទទូចឱ្យដកការគ្រប់គ្រងរបស់ក្រុមហាម៉ាសលើតំបន់ហ្គាហ្សា មុនពេលដំណោះស្រាយណាមួយ និងរក្សាវត្តមានយោធានៅក្នុងតំបន់ប៉ាឡេស្ទីន សូម្បីតែបន្ទាប់ពីបទឈប់បាញ់ក៏ដោយ។
