សមាជិកសភាកំពូលរុស្ស៊ី៖ ការបញ្ចូលទឹកដីហ្គ្រីនលែនរបស់អាមេរិកនឹងបង្កជាការគំរាមកំហែងផ្នែកយោធា
បរទេស៖ ប្រធានគណៈកម្មាធិការការពាររដ្ឋឌូម៉ា លោក Andrey Kartapolov បានឲ្យដឹងកាលពីថ្ងៃព្រហស្បតិ៍ថា សហរដ្ឋអាមេរិកអាចប្រើប្រាស់ហ្គ្រីនឡែនសម្រាប់ការវាយប្រហារលើប្រទេសរុស្ស៊ី។ ការអត្ថាធិប្បាយរបស់លោកបានកើតឡើងបន្ទាប់ពីប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump បានបន្តផែនការចាស់របស់គាត់ក្នុងការទិញកោះ Arctic ដែលគ្រប់គ្រងដោយខ្លួនឯងពីប្រទេសដាណឺម៉ាក។
លោក Trump បានទទូចថា ភាពជាម្ចាស់និងការគ្រប់គ្រងលើ Greenland គឺជាភាពចាំបាច់ទាំងស្រុងសម្រាប់សន្តិសុខជាតិរបស់អាមេរិក។
នៅពេលត្រូវបានសួរដោយ RIA Novosti ថាតើការបញ្ចូលសក្តានុពលរបស់សហរដ្ឋអាមេរិកលើ Greenland នឹងបង្កជាការគំរាមកំហែងផ្នែកយោធា ដល់ប្រទេសរុស្ស៊ីដែរឬទេ។
លោក Andrey Kartapolov បានបន្តថា Greenland កាន់កាប់តំបន់ដ៏ធំបំផុតនៅតំបន់ Arctic និងផ្តល់សិទ្ធិចូលទៅដល់តំបន់ Arctic ដោយផ្ទាល់ ដូច្នេះសម្រាប់ពួកយើង វាមិនមែនជាជម្រើសដ៏ល្អបំផុតនោះទេ។ សមាជិកសភារូបនេះ បានប្រកែកថា កោះនេះអាចដើរតួជា វេទិការដ៏ល្អសម្រាប់អាមេរិក ក្នុងការប៉ះទង្គិចគ្នាអន្តរទ្វីបនាពេលអនាគត។
វិមានក្រឹមឡាំងឆ្លើយតបទៅនឹងសំណើទិញយក Greenland របស់លោក Trump អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានកាលពីថ្ងៃព្រហស្បតិ៍ថា ទីក្រុងមូស្គូ ចាប់អារម្មណ៍ក្នុងការរក្សាបរិយាកាសសន្តិភាព និងស្ថិរភាព នៅក្នុងតំបន់។ ជំនួយការជាន់ខ្ពស់របស់លោកប្រធានាធិបតី វ្ល៉ាឌីមៀ ពូទីន គឺលោក Nikolay Patrushev បានព្រមានកាលពីខែកញ្ញាថា សកម្មភាពយោធារបស់សមាជិកណាតូនៅក្នុងតំបន់អាក់ទិកបង្កើនសក្តានុពលសម្រាប់ជម្លោះ។
មន្ត្រីដាណឺម៉ាកបានច្រានចោលយ៉ាងម៉ឺងម៉ាត់ចំពោះលទ្ធភាពនៃការលក់កោះនេះ។ លោកនាយករដ្ឋមន្ត្រី Mette Frederiksen បានបញ្ជាក់ជាថ្មីកាលពីថ្ងៃអង្គារថា Greenland មិនមែនសម្រាប់លក់ទេ ហើយនឹងមិនមាននាពេលអនាគតផងដែរ។
ក្នុងឆ្នាំ២០០៩ ហ្គ្រីនលែនត្រូវបានផ្តល់សិទ្ធិក្នុងការប្រកាសឯករាជ្យតាមរយៈការធ្វើប្រជាមតិ។ នាយករដ្ឋមន្ត្រីគាំទ្រឯករាជ្យរបស់កោះនេះ លោក Mute Bourup Egede ក៏បានបដិសេធសំណើទិញយករបស់លោក Trump ផងដែរ។
ហ្គ្រីនលែន ដែលជាកោះធំជាងគេលើពិភពលោក ត្រូវបានប្រទេសដាណឺម៉ាក គ្រប់គ្រងនៅឆ្នាំ១៩៧៩។ ទឹកដីរបស់វាសំបូរទៅដោយប្រេង និងសារធាតុរ៉ែ។ ហ្គ្រីនឡែនក៏ជាផ្ទះរបស់មូលដ្ឋានយោធា Pituffik របស់អាមេរិក និងហេដ្ឋារចនាសម្ព័ន្ធណាតូផងដែរ។
លោក Trump ដែលចូលកាន់តំណែងនៅថ្ងៃទី២០ ខែមករាក៏បានស្នើថាសហរដ្ឋអាមេរិកគួរតែស្រូបយកកាណាដានិងបង្កើតការគ្រប់គ្រងឡើងវិញលើប្រឡាយប៉ាណាម៉ា។
