អាវុធហត្ថខេត្តកំពង់ស្ពឺ ឃាត់ខ្លួនជនសង្ស័យចំនួន ៤នាក់ ពាក់ព័ន្ធករណីគ្រឿងញៀន
ភ្នំពេញ៖ ដោយអនុវត្តតាមបទបញ្ជារបស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ និងមានការសម្របសម្រួល នីតិវិធីពីលោក ទិន សុចិត្រា ព្រះរាជអាជ្ញារង អមសាលាដំបូងខេត្តកំពង់ស្ពឺ នៅថ្ងៃទី១១ ខែកុម្ភៈ ឆ្នាំ២០២៥ នៅវេលាម៉ោង ១៣:៥០នាទី កម្លាំងមន្ទីស្រាវជ្រាវ និងបង្ក្រាបបទល្មើស ដឹកនាំដោយលោក វរសេនីយ៍ទោ ណុល ដារ៉ា សហការណ៍ជាមួយកម្លាំងមូលដ្ឋានកងរាជអាវុធហត្ថស្រុកសាមគ្គីមុនីជ័យ ដឹកនាំដោយ លោកវរសេនីយ៍ទោ ជាង រចនា បានធ្វើកាឃាត់ខ្លួនជនសង្ស័យចំនួន ០៤នាក់ ស្ថិតនៅភូមិតានី ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ។
ជនសង្ស័យទី១.ឈ្មោះ អុល លីមឆ័ង ភេទប្រុស អាយុ២៨ឆ្នាំ,ទី២.ឈ្មោះ ផុន ម៉ូលីណាឈឺ ភេទប្រុស អាយុ២៥ឆ្នាំ,ទី៣.ឈ្មោះ សំរិទ្ធ ពុទ្ធី ភេទប្រុស អាយុ២៤ឆ្នាំ និងទី៤.ឈ្មោះ ធីម ឆៃយ៉ា ភេទប្រុស អាយុ២០ឆ្នាំ។
ដោយចាប់យកវត្ថុតាងរួមមាន៖ ម្សៅសរក្រាមសង្ស័យថាសារធាតុញៀនចំនួន ០៣ កញ្ចប់(តូចចំនួន ០២ ធំចំនួន ០១ ),ជញ្ជីងថ្លឹងចំនួន ០១ ,ទូរស័ព្ទចំនួន ០២ គ្រឿង,ម៉ូតូចំនួន ០៤ គ្រឿង,កាំភ្លើងកែឆ្នៃចំនួន ០១ ដើម ,ស្លាកលេខម៉ូតូចំនួន ០១ (កោះកុង 1A-2787),កាំបិទចំនួន ០១ ដើម,ដាវចំនួន ០១ ដើមនិងថង់ច្រក និងឧបករណ៌ប្រើប្រាសគ្រឿងញៀនមួយចំនួន។
បច្ចុប្បន្នជនសង្ស័យ រួមនិងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅតុលាការខេត្តកំពង់ស្ពឺ៕
