មេបញ្ជាការកងទ័ពជើងគោក សម្រេចបង្កើតគណៈបញ្ជាការឯកភាពដឹកនាំបង្ក្រាបបទល្មើសនេសាទខុសច្បាប់ នៅតាមដងទន្លេសាប
ភ្នំពេញ៖ ឯកឧត្ដមនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង និងជាមេបញ្ជាការកងទ័ពជើងគោក បានចេញសេចក្ដីសម្រេចបង្កើតគណៈបញ្ជាការឯកភាពដឹកនាំបង្ក្រាបបទល្មើសនេសាទខុសច្បាប់ នៅតាមដងទន្លេសាប រួមមាន ខេត្តកំពង់ធំ, សៀមរាប, បាត់ដំបង, ពោធិ៍សាត់ និងខេត្តកំពង់ឆ្នាំងរបស់កងទ័ពជើងគោក។
ក្នុងគណៈបញ្ជាការឯកភាពនេះ មានឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥ ជាប្រធាន អមដោយអនុប្រធាន៤រូប និងសមាជិកចំនួន៩រូប សុទ្ធតែជាមេបញ្ជាការតំបន់ប្រតិបត្តិការសឹករង នៃខេត្តពាក់ព័ន្ធ៕