វិមានក្រឹមឡាំងបញ្ជាក់ថា លោក ពូទីន និងលោក Trump នឹងធ្វើការហៅទូរស័ព្ទនៅថ្ងៃអង្គារ
បរទេស៖វិមានក្រឹមឡាំងបានបញ្ជាក់ថា ប្រធានាធិបតីអាមេរិក លោក ដូណាល់ ត្រាំ និងសមភាគីរុស្ស៊ី លោក វ្ល៉ាឌីមៀ ពូទីន នឹងធ្វើការសន្ទនាតាមទូរស័ព្ទនៅថ្ងៃអង្គារ។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានក្នុងអំឡុងពេលធ្វើសន្និសីទកាសែតជាទៀងទាត់ថា មេដឹកនាំទាំងពីរនឹងនិយាយនៅថ្ងៃអង្គារ ប៉ុន្តែមិនបានបង្ហាញពីព័ត៌មានលម្អិតណាមួយបន្ថែមទៀតទេ។
ការហៅទូរស័ព្ទនឹងធ្វើឡើងបន្ទាប់ពីកិច្ចប្រជុំកាលពីយប់មិញក្នុងទីក្រុងមូស្គូ រវាងបេសកជនពិសេសអាមេរិក Steve Witkoff និងលោក Putin ដែល Witkoff បានពណ៌នាថាជា “ការពិភាក្សាផ្អែកលើដំណោះស្រាយ”។
លោក Trump បាននិយាយកាលពីយប់ថ្ងៃអាទិត្យថាលោកនឹងនិយាយជាមួយលោកពូទីនក្នុងសប្តាហ៍នេះដោយបន្ថែមថាលោកសង្ឃឹមថាពួកគេនឹងមាន “អ្វីមួយដើម្បីប្រកាស” លើសំណើបទឈប់បាញ់របស់សហរដ្ឋអាមេរិកសម្រាប់សង្គ្រាមនៅអ៊ុយក្រែន។
ខ្ញុំគិតថាយើងធ្វើបានល្អជាមួយរុស្ស៊ី។ យើងនឹងមើលថាតើយើងមានអ្វីត្រូវប្រកាសប្រហែលនៅថ្ងៃអង្គារ។ ខ្ញុំនឹងនិយាយទៅកាន់ប្រធានាធិបតីពូទីននៅថ្ងៃអង្គារ” គាត់បានប្រាប់អ្នកយកព័ត៌មាននៅលើយន្តហោះ Air Force One ក្នុងអំឡុងពេលហោះហើរត្រឡប់ទៅសេតវិមានបន្ទាប់ពីចុងសប្តាហ៍របស់គាត់នៅឯ Mar-a-Lago ។
