សម្តេចធិបតី៖ គ្រូកិច្ចសន្យា នឹងត្រូវបានផ្តល់មេដាយ មិនមែនត្រឹមលិខិតសរសើរដូចមុនទេ
ភ្នំពេញ៖ ក្នុងឱកាសអញ្ជើញជាអធិបតីក្នុងវេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិ លើកទី១ (២០២៤-២០២៥) ស្តីពី “កំណែទម្រង់វិមជ្ឈការ និងវិសហមជ្ឈការ ដើម្បីចូលរួមសម្រេចបានចក្ខុវិស័យកម្ពុជាឆ្នាំ២០៥០” នៅសណ្ឋាគារសុខាភ្នំពេញ នាថ្ងៃទី១៨ ខែមីនា ឆ្នាំ២០២៥នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា គ្រូកិច្ចសន្យា នឹងត្រូវបានផ្តល់មេដាយ មិនមែនត្រឹមលិខិតសរសើរដូចមុនទេ ហើយទីស្តីការគណៈរដ្ឋមន្ត្រីយ្រូវសិក្សា ផ្តល់មេដាយមិនថាគ្រូកិច្ចសន្យា ឬគ្រូក្របខ័ណ្ឌ ព្រោះពួកគាត់សុទ្ធតែធ្វើការងារ ដើម្បីប្រទេសជាតិ។
សម្តេចធិបតី បានស្នើឲ្យមានការគ្រប់គ្រង និងទទួលខុសត្រូវឲ្យបានច្បាស់លាស់ នៅរដ្ឋបាលថ្នាក់ក្រោមជាតិ ជាពិសេស គ្រូពេទ្យ និងគ្រូបង្រៀន ពាក់ព័ន្ធនឹងការផ្ទេរ។
ពាក់ព័ន្ធនឹងការបំពេញគ្រូក្របខ័ណ្ឌ សម្តេចមហាបវរធិបតី ហ៊ុន ម៉ាណែត បានថ្លែងថា គ្រូកិច្ចសន្យា ឬគ្រូស្ម័គ្រចិត្ត បង្រៀនបាន ៣ឆ្នាំឡើងលើ មានគុណវុឌ្ឍិត្រឹមត្រូវ និងមាននិយាមរើសច្បាស់លាស់ ត្រូវពិចារណាបើកច្រក បញ្ចូលក្នុងក្របខ័ណ្ឌ ហើយលើកទឹកចិត្តឲ្យបង្រៀននៅទីតាំងដើម៕
