ក្រសួងការងារ សហការជាមួយក្រុមហ៊ុន ម៊ូហ្វាស (ខេមបូឌា) ឯ.ក បើកប្រាក់ឈ្នួល និងប្រាក់បំណាច់ជូនដល់កម្មករនិយោជិតចំនួន ៥៣នាក់
ភ្នំពេញ៖ នារសៀលថ្ងៃទី១៩ ខែមីនា ឆ្នាំ២០២៥ ក្រសួងការងារ និងបណ្តុះបណ្តាលវិជ្ជាជីវៈ សហការជាមួយក្រុមហ៊ុន ម៊ូហ្វាស (ខេមបូឌា) ឯ.ក បានបើកប្រាក់ឈ្នួល និងប្រាក់បំណាច់ជូនដល់កម្មករនិយោជិតសរុបចំនួន ៥៣នាក់ បន្ទាប់ពីក្រុមហ៊ុនដែលស្ថិតនៅភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺនេះ ត្រូវបានអគ្គិភ័យឆាបឆេះ កាលពីថ្ងៃទី១៦ ខែមីនា កន្លងមកនេះ។
ទន្ទឹមនេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ ក៏បានបញ្ជូនក្រុមការងារមជ្ឈមណ្ឌលការងារចល័ត ដើម្បីនាំមកនូវឱកាសការងារថ្មីៗជាច្រើនកន្លែងជូនដល់កម្មករនិយោជិតនៃក្រុមហ៊ុន ម៊ូហ្វាស (ខេមបូឌា) ដោយកម្មករនិយោជិតទាំងអស់អាចដាក់ពាក្យភ្លាម សម្ភាសភ្លាម និងដឹងពីលទ្ធផលការងារភ្លាមៗ នៅនឹងកន្លែង ផងដែរ ៕
