រថយន្ដ Cybertrucks បានឆេះដោយសារគេកប់ដបសាំងដាក់ សំដៅទៅបន្ទប់តាំងបង្ហាញរថយន្ត Tesla
បរទេស៖ រថយន្ដ Cybertrucks បានឆេះដោយត្រូវបានគេកប់ដបសាំងដាក់ សំដៅទៅបន្ទប់តាំងបង្ហាញរថយន្ត Tesla។
យោងតាមសារព័ត៌មាន AP ចេញផ្សាយ នៅថ្ងៃទី១៩ ខែមីនា ឆ្នាំ២០២៥ បានឱ្យដឹងថា ការវាយប្រហារលើ ទ្រព្យសម្បត្តិ ដែលមានស្លាកសញ្ញា ក្រុមហ៊ុនរថយន្តអគ្គិសនីរបស់មហាសេដ្ឋី Elon Musk កំពុងរីករាលដាល ពាសពេញសហរដ្ឋអាមេរិក និងនៅក្រៅប្រទេស។ ខណៈពេលដែលមិន មានការរាយការណ៍ពីការរងរបួស, បន្ទប់តាំងបង្ហាញរថយន្ត Tesla, ចំណតរថយន្ត ស្ថានីយ៍សាកថ្ម និងរថយន្តឯកជន ត្រូវបានកំណត់គោល ដៅវាយប្រហារ។ នៅប្រទេសកាណាដា Tesla ត្រូវបានដកចេញពីពិព័រណ៍រថយន្តអន្តរជាតិ ជុំវិញបញ្ហាសុវត្ថិភាព។
មានការកើនឡើងយ៉ាងច្បាស់នៅក្នុងការវាយប្រហារមហ៊ុន Tesla ចាប់តាំងពីលោកប្រធានាធិបតី Donald Trump ចូលកាន់តំណែង និង ផ្តល់អំណាច ដល់លោក Elon Musk ដើម្បីត្រួតពិនិត្យក្រសួងប្រសិទ្ធភាពថ្មី របស់រដ្ឋាភិបាល ដែលកំពុង កាត់បន្ថយការចំណាយរបស់រដ្ឋាភិបាលអាមេរិក។ អ្នកជំនាញខាងជ្រុលនិយម ក្នុងស្រុកនិយាយថា វាមិនទាន់អាចដឹងបានទេថា តើឧបទ្ទវហេតុនឹងរាលដាល ទៅជាគំរូរយៈពេលវែងឬយ៉ាងណានោះទេ។
គេក៏បានដឹងដែរថា កាលពីនៅក្នុង អាណត្តិ ដំបូងរបស់លោក Trump អចលនទ្រព្យរបស់លោក នៅទីក្រុងញូវយ៉ក វ៉ាស៊ីនតោន និងកន្លែងផ្សេងទៀតបានក្លាយជាកន្លែងសម្រាប់ការតវ៉ា។ នៅដើមដំបូងនៃអាណត្តិទីពីររបស់លោក, Tesla កំពុងបំពេញតួនាទីនោះ។
លោក Musk បានរិះគន់ការរៀបចំបាតុកម្ម ដោយសន្តិវិធីជាច្រើន នៅឯកន្លែងលក់ និងរោងចក្រ Tesla នៅទូទាំងអាមេរិកខាងជើង និងអឺរ៉ុប។
ម្ចាស់រថយន្ត Tesla មួយចំនួន រួមទាំងសមាជិកព្រឹទ្ធសភា អាមេរិកផងដែរ ដែលបានឈ្លោះជាមួយលោក Musk បានប្តេជ្ញាថា នឹងលក់រថយន្តរបស់ពួកគេចោល។
