សម្តេចប្រមុខរដ្ឋស្តីទី៖ មេទាហានខ្លះពូកែខាងវាយលុក ឯមេទាហានខ្លះពូកែខាងការទប់ទល់ ខណៈសម្តេចតេជោ ត្រូវការមេទាហានដែលពូកែទាំងការទប់ទល់ និងការវាយលុក

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជាបានថ្លែងថា មេទាហានខ្លះពូកែខាងវាយលុក ឯមេទាហានខ្លះពូកែខាងការទប់ទល់ ខណៈសម្តេចតេជោ ត្រូវការមេទាហានដែលពូកែទាំងការទប់ទល់ និងការវាយលុក។

ក្នុងឱកាសអញ្ជើញជាអធិបតីភាព ក្នុងពិធីបំពាក់ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទ ជូនសម្ដេចពិជ័យសេនា ទៀ បាញ់ និងសម្ដេចកិត្តិសង្គហបណ្ឌិត ម៉ែន សំអន នៅទីស្ដីការគណៈរដ្ឋមន្រ្តី នាព្រឹកថ្ងៃទី២១ ខែមីនា ឆ្នាំ២០២៥នេះ សម្តេចតេជោ ហ៊ុន សែន បានថ្លែងថា សម្តេចមានចំណេះគ្រប់គ្រាន់ ទាំងការវាយលុក និងការទប់ទល់។

សម្តេចតេជោ ហ៊ុន សែន បានបញ្ជាក់ថា សម្តេចតែងតែនិយាយថា មេទាហានពូកែជំនាញទាំងការវាយលុក ប៉ុន្តែមិនជំនាញទាំងការទប់ទល់ទេ ឯមេទាហានខ្លះពូកែទាំងការទប់ទល់ តែមិនពូកែខាងការវាយលុកទេ។ សម្តេចត្រូវការមេទាហាន ដែលមានសមត្ថភាពទាំងពីរ។ ការវាយលុក មានតម្លៃស្មើនឹងការទប់ទល់ ការទប់ទល់មានតម្លៃស្មើនឹងការវាយលុក។ អីចឹង ត្រូវដើរជើងទាំងពីរ

សម្តេចតេជោ ហ៊ុន សែន បានរំលឹកអំពីព្រះបន្ទូលរបស់សម្តេចឪ ដែលរិះគន់អ្នកនិយាយថា បើវៀតណាមដកចេញ សម្តេចតេជោ ហ៊ុន សែន នឹងខ្ចប់ ប៉ុន្តែពេលវៀតណាមដកមែន សម្តេច ហ៊ុន សែន មិនបានខ្ទេចនោះទេ ផ្ទុយទៅវិញបានវាយកាន់កាប់ទឹកដីស្ទើរតែទាំងអស់ ៕