អ៊ីរ៉ង់ បាន ដាក់ ស្នើ ដើម្បី ពន្លឿន ការ ចរចា នុយក្លេអ៊ែរ

តេហេរ៉ង់៖ ប្រទេសអ៊ីរ៉ង់ បានដាក់ស្នើគំនិតទាំងផ្នែក និងទម្រង់ ទៅកាន់ភាគីម្ខាងទៀតនៃកិច្ចចរចានៅទី ក្រុងវីយែន ស្តីពីការរស់ឡើងវិញនូវកិច្ចព្រមព្រៀងនុយក្លេអ៊ែរឆ្នាំ ២០១៥ ដើម្បីត្រួសត្រាយផ្លូវសម្រាប់ “ការបញ្ចប់យ៉ាងឆាប់រហ័ស” នៃកិច្ចចរចា។

លោក Ali Bagheri Kani ដែលជាអនុរដ្ឋមន្ត្រីការបរទេសអ៊ីរ៉ង់ ទទួលបន្ទុកកិច្ចការនយោបាយ បានលើកឡើងថា ទីក្រុងតេអេរ៉ង់បានត្រៀមខ្លួនរួចជាស្រេចដើម្បីបញ្ចប់ការចរចាក្នុងរយៈពេលដ៏ខ្លី ដោយផ្តល់ ថាភាគីផ្សេងទៀតក៏នឹងរៀបចំធ្វើដូចគ្នាដែរ។

លោក Bagheri Kani បានបន្ថែមថាកិច្ចចរចានុយក្លេអ៊ែរដែលបាន ចាប់ផ្តើមនៅរដ្ឋធានីអូទ្រីស ក្នុងខែមេសាឆ្នាំ ២០២១ គឺសំដៅ “ជួសជុលស្ថានការណ៍ដ៏ស្មុគស្មាញដែលបង្កឡើងដោយឯកតោភាគី និងការដកខ្លួនដោយខុសច្បាប់របស់សហរដ្ឋអាមេរិក” ពីកិច្ចព្រមព្រៀងនុយក្លេអ៊ែរ ដែលត្រូវបាន គេ ស្គាល់ជាផ្លូវការថាជាផែនការសកម្មភាពទូលំទូលាយរួម ( JCPOA) ក្នុងឆ្នាំ២០១៨ ។

លោកបានផ្តល់ការធានាថា អ៊ីរ៉ង់កំពុងធ្វើការយ៉ាងជិតស្និទ្ធជាមួយដៃគូ JCPOA របស់ខ្លួន ជាពិសេស ប្រធានគោល នយោបាយការបរទេសសហភាពអឺរ៉ុប និងអ្នកសម្របសម្រួលនៃគណៈកម្មការចម្រុះ JCPOA លោក Josep Borrell ដើម្បីផ្តល់ឱកាសឱ្យសហរដ្ឋអាមេរិកម្តងទៀតដើម្បីបង្ហាញពី “ជំនឿល្អ” របស់ខ្លួន និង “ធ្វើសកម្មភាពប្រកបដោយការទទួលខុសត្រូវ។ ”

ប្រទេសអ៊ីរ៉ង់បានចុះហត្ថលេខាលើ JCPOA ជាមួយមហាអំណាចពិភពលោកកាលពីខែកក្កដា ឆ្នាំ២០១៥ ដោយយល់ព្រមទប់ស្កាត់កម្មវិធីនុយក្លេអ៊ែររបស់ខ្លួនជាថ្នូរនឹងការដកទណ្ឌកម្មលើប្រទេសនេះ។ ទោះបីជា យ៉ាងណាក៏ដោយ អតីតប្រធានាធិបតីអាមេរិក លោក Donald Trump បានដកទីក្រុងវ៉ាស៊ីនតោន ចេញពីកិច្ចព្រមព្រៀងកាលពីខែឧសភា ឆ្នាំ ២០១៨ ហើយបានដាក់ទណ្ឌកម្មឯកតោភាគីឡើង វិញលើទីក្រុង តេអេរ៉ង់ ដែលជំរុញឱ្យភាគីចុងក្រោយទម្លាក់ការប្តេជ្ញាចិត្តមួយចំនួននៅក្រោមកតិកាសញ្ញានេះ។

កិច្ចពិភាក្សាស្តីពីការរស់ឡើងវិញ JCPOA បានចាប់ផ្តើមនៅក្នុងខែមេសា ឆ្នាំ ២០២១នៅក្នុងរដ្ឋធានីអូទ្រីស ប៉ុន្តែត្រូវបានផ្អាកនៅក្នុងខែមីនាឆ្នាំនេះ ដោយសារតែភាពខុសគ្នាខាងនយោបាយរវាងទីក្រុងតេអេរ៉ង់ និងវ៉ាស៊ីនតោន។

បន្ទាប់ពីការផ្អាករយៈពេលបីខែ កិច្ចចរចាបានបន្តនៅចុងខែមិថុនា ក្នុងរដ្ឋធានី Doha របស់ប្រទេសកាតា ប៉ុន្តែបានបរាជ័យក្នុងការដោះស្រាយភាពខុសគ្នា។