ឧត្តមសេនីយ៍ទោ សោម សុវណ្ណ អញ្ជើញបិទវគ្គហ្វឹកហ្វឺនបំប៉នជំនាញ ការងារយោធាតំបន់ យោធភូមិភាគពិសេសឆ្នាំ២០២២

ភ្នំពេញ៖ នៅសាលាពលទាហានយោធភូមិភាគពិសេស ស្ថិតក្នុងភូមិសាស្ត្រ ភូមិថ្មី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង នាព្រឹកថ្ងៃទី១១ ខែសីហា ឆ្នាំ ២០២២ បានប្រារព្វពិធី បិទវគ្គហ្វឹកហ្វឺន បំប៉នជំនាញ ការងារយោធាតំបន់យោធភូមិភាគពិសេសឆ្នាំ២០២២ ក្រោមអធិបតីភាព ឯកឧត្តម ឧត្តមសេនីយ៍ទោ សោម សុវណ្ណ មេបញ្ជាការរងយោធភូមិភាគពិសេសតំណាងដ៏ខ្ពង់ខ្ពស់ ឯកឧត្ដមឧត្ដមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជាការយោធភូមិភាគពិសេស ។

របាយការណ៏បានឱ្យដឹងថាហ្វឹកហ្វឺនបំប៉នជំនាញការងារយោធាតំបន់ បានឲ្យដឹងថា៖ អនុវត្តការបណ្តុះបណ្តាលធនធានមនុស្សកងយោធពលខេមរភូមិន្ទ យោធភូមិភាគពិសេស បានបិទវគ្គហ្វឹកហ្វឺនបំប៉នជំនាញការងារយោធាតំបន់ ឆ្នាំ ២០២២ ឲ្យដល់យោធិន នៃយោធភូមិភាគពិសេស ដោយទទួលបានលទ្ធផលរួមមាន៖ វគ្គហ្វឹកហ្វឺនបំប៉នជំនាញការងារយោធាតំបន់ ប្រចាំឆ្នាំ២០២២ រយៈពេល៤៥ថ្ងៃ សិក្ខាកាមចំនួន៥០នាក់ គ្រូចំនួន១០នាក់ បំរើការ០៦នាក់ សរុប ៦៦នាក់ ។

ឧត្តមសេនីយ៍ទោ សោម សុវណ្ណ បានអញ្ជើញផ្ដល់ប័ណ្ណសរសើរ លិខិតសរសើរនិងលិខិតបញ្ជាក់ការសិក្សាជូនដល់សិក្ខាកាមចំនួន៥០នាក់ ។

ក្នុងនោះ ឯកឧត្តម ឧត្តមសេនីយ៍ទោ សោម សុវណ្ណ បានថ្លែងកោតសរសើរ និងវាយតម្លៃខ្ពស់ចំពោះលទ្ធផលល្អប្រសើរសម្រាប់វគ្គហ្វឹកហ្វឺនបំប៉នជំនាញការងារយោធាតំបន់ឆ្នាំ២០២២គួរជាទីមោទនៈ ។
ឧត្តមសេនីយ៍ទោ សោម សុវណ្ណ បានបញ្ជាក់ថាលទ្ធផលទាំងនេះកើតចេញពីកិច្ចខិតខំប្រឹងប្រែងយកចិត្តទុកដាក់ខ្ពស់ និងសាមគ្គីជាធ្លុងមួយពីសំណាក់មេបញ្ជាការ មេបញ្ជាការរង នាយទាហាន នាយទាហានរង និងពលទាហាន យោធភូមិភាគពិសេសទាំងអស់ ។ សូមបន្តនូវវប្បធម៌ និងប្រពៃណីយ៍យ៉ាងល្អនេះបន្ថែមទៀត សង្ឃឹមថាផែនការហ្វឹកហ្វឺនគ្រប់វគ្គក្នុងឆ្នាំ២០២២ ទទួលបានលទ្ធផលកាន់តែល្អទ្វេរឡើងថែមទៀត ៕