ឯកឧត្តម នេត ភក្រ្តា៖ សំណុំរឿង ០០២/០២ ជាសំណុំរឿង មានសារៈសំខាន់ដោយសារតែសំណុំរឿងនេះ បណ្ដុំទៅដោយជនជាប់ចោទ ដែលជាអតីតមេដឹកនាំកំពូល នៃរបបកម្ពុជាប្រជាធិបតេយ្យ
ភ្នំពេញ៖ ឯកឧត្តម នេត ភក្រ្តា អ្នកនាំពាក្យសាលាក្ដីខ្មែរក្រហម បានលើកឡើងក្នុងសន្និសីទសារព័ត៌មាន មុនការប្រកាសសាលដីកា លើសំណុំរឿង០០២/០២ របស់ជនជាប់ចោទ ខៀវ សំផន នេះថា សំណុំរឿង០០២/០២ គឺជាសំណុំរឿងដែលមានសារៈសំខាន់ដោយសារតែសំណុំរឿងនេះបណ្ដុំទៅដោយជនជាប់ចោទដែលជាអតីតមេដឹកនាំកំពូលនៃរបបកម្ពុជាប្រជាធិបតេយ្យ ។
ជនជាប់ចោទដែលជាអតីតមេដឹកនាំកំពូល នៃរបបកម្ពុជាប្រជាធិបតេយ្យគឺមាន:
១.លោក នួន ជា ដែលជាអាឌិតអនុលេខាបក្សកុម្មុយនីស្តកម្ពុជា និងជាប្រធានសភាតំណាងប្រជាជននៃរបបកម្ពុជាប្រជាធិបតេយ្យ
២.លោក ខៀវ សំផន ដែលជាអាឌិតគណៈប្រធានរដ្ឋនៃរបបកម្ពុជាប្រជាធិបតេយ្យ
៣.អៀង សារី ដែលជាអាឌិតរដ្ឋមន្រ្តីក្រសួងការបរទេសនៃរបបខ្មែរក្រហម
៤.លោកស្រី អៀង ធីរិទ្ធ ដែលជាអាឌិតរដ្ឋមន្ត្រីក្រសួងសង្គមកិច្ចនៃរបបខ្មែរក្រហម ។
ឯកឧត្តម នេត ភក្រ្តា បានមានប្រសាសន៍ថា នៅចុងបញ្ចប់នៃសំណុំរឿងនេះមេដឹកនាំកំពូលមួយរូបគឺលោក ខៀវ សំផន ដែលជាអាឌិតប្រមុខរដ្ឋនៃរបបកម្ពុជាប្រជាធិបតេយ្យដែលបច្ចុប្បន្ននេះគឺគាត់មានអាយុ៩១ឆ្នាំហើយដែលកំពុងបន្តអនុវត្តនីតិវិធីជាប់ក្នុងមន្ទីរឃុំឃាំងបណ្ដោះអាសន្នរបស់អង្គជំនុំជម្រះវិសាមញ្ញតុលាការកម្ពុជា។ គាត់គឺជាអាឌិតមេដឹកនាំខ្នែរក្រហមជាន់ខ្ពស់ មួយរូបដែលនៅរស់រានមានជីវិត ហើយត្រូវបានបន្តជំនុំជម្រះក្តីនៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា។
ឯកឧត្តម នេត ភក្រ្តា បញ្ជាក់ថា ហើយសំណុំរឿង០០២នេះយើនៅសល់ជនជាប់ចោទលោក ខៀវ សំផន មួយរូបខណៈដែលលោក នួន ជា ដែលជាអាឌិតអនុលេខាបក្សកុម្មុយនីស្តកម្ពុជា និងជាប្រធានសភាតំណាងប្រជាជន នៃរបបកម្ពុជាប្រជាធិបតេយ្យនេះគឺត្រូវបានអង្គជំនុំជម្រះសាលាដំបូងបានសម្រេចផ្ដន្ទាទោសដាក់ពន្ធ័ធរនាគារអស់មួយជីវិតអំពីឧក្រិដ្ឋកម្មប្រឆាំងនិងមនុស្សជាតិ ឧក្រិដ្ឋសង្គ្រាម និងឧក្រិដ្ឋកម្មប្រល័យពូជសាសន៍ប្រឆាំងជនជាតិចាម និងជនជាតិវៀតណាមគឺបានស្លាប់ក្នុងខែកញ្ញា ឆ្នាំ២០១៩ កន្លងទៅដែលធ្វើឲសំណុំរឿង០០២/០២ នៅសល់ជនជាប់ចោទមួយរូបគឺលោក ខៀវ សំផន ៕
