ឯកឧត្តមបណ្ឌិត ឈុន ស៊ីរុន អញ្ជើញចូលរួមពិធីកាន់បិណ្ឌវេនទី១១ នៅវត្តព្រែកឬស្សី
ភ្នំពេញ៖ ឯកឧត្តមបណ្ឌិត ឈុន ស៊ីរុន លេខាធិការគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា និងជាតំណាងរាស្រ្តមណ្ឌលខេត្តកណ្តាល និងលោកជំទាវ ព្រមទាំងបុត្រ និងក្រុមការងារចុះជួយសង្កាត់ព្រែកឬស្សី ថ្នាក់ដឹកនាំមន្ទីរសាធារណៈការ និងដឹកជញ្ជូន សាលាក្រុងតាខ្មៅ អាជ្ញាធរសង្កាត់ព្រែកឬស្សី នៅព្រឹកថ្ងៃទី២១ ខែកញ្ញា ឆ្នាំ២០២២ បានអញ្ជើញចូលរួមពិធីកាន់បិណ្ឌវេនទី១១ នៅវត្តព្រែកឬស្សី (វត្តមហានិកាយ) ស្ថិតនៅសង្កាត់ព្រែកឬស្សី ក្រុងតាខ្មៅ ខេត្តកណ្តាល។
ឯកឧត្តមបានរៀបចំចង្ហាន់ និងប្រគេនបច្ច័យបួនដល់ព្រះសង្ឃ ចំនួន ២៣អង្គ និងប្រគេនបច្ច័យវេនទី១១ សរុបថវិកា ចំនួន១៦លាន និង២មុឺនរៀល (១៦,០២០,០០០ រៀល) ព្រមទាំងប្រគេនទេយ្យទានមាន អង្ករ ១២បាវ ទឹកបរិសុទ្ធ ១៥កេះ ទឹកក្រូច៥កេះ និងទឹកផ្លែឈើ ១៥កេះ ជូនដល់ព្រះសង្ឃ ដែលគង់ចាំវស្សានៅក្នុងវត្ត៕
