នគរបាលស្រុកគាស់ក្រឡ បង្រ្កាបករណីគ្រឿងញៀនមួយករណីឃាត់ខ្លួនជនសង្ស័យម្នាក់
ភ្នំពេញ៖ លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានដឹកនាំកម្លាំងជំនាញផ្នែកប្រឆាំងបទល្មើសគ្រឿងញៀនរួមជាមួយកម្លាំងប៉ុស្តិ៍នគរបាលរដ្ឋបាលដូនបា នៃអធិការដ្ឋាននគរបាលស្រុកគាស់ក្រឡ ចុះប្រតិបត្តិការបង្ក្រាប ករណីរក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង និងបានឃាត់ជនសង្ស័យចំនួន០១នាក់ឈ្មោះ សៀន ចាន់ ភេទប្រុស អាយុ៣៥ឆ្នាំ មានទីលំនៅចំណុចព្រៃទងភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង ។
ការឃាត់ខ្លួននេះបានធ្វើឡើង នៅថ្ងៃទី០២ ខែតុលាឆ្នាំ២០២២ វេលាម៉ោង១៤និង៣៩នាទី នៅចំណុចព្រៃទង ភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង។
វត្ថុតាងចាប់យកបានរួមមាន៖ ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន០១ថង់ សង្ស័យមានសារធាតុញៀន , ទូរស័ព្ទចំនួន០១គ្រឿងម៉ាក OPPO ពណ៌ខ្មៅ, ដែកកេស ចំនួន០១, ឧបករណ៍សំរាប់ជក់ថ្នាំញៀន ចំនួន០១។
បច្ចុប្បន្ននគរបាលស្រុកបានរៀបចំកសាងសំណុំរឿងបញ្ជូនមកការិយាល័យជំនាញអនុវត្តបន្តតាមនីតិវិធីច្បាប់៕
