ទឹកស្ទឹងប៉ៃលិន ហក់ឡើងយ៉ាងកំហុក ដល់ចំណុចប្រកាសអាសន្ន ខណៈអាជ្ញាធរអំពាវនាវឲ្យ ពលរដ្ឋបង្កើនការប្រុងប្រយ័ត្ន
ភ្នំពេញ៖ ដោយសារភ្លៀងធ្លាក់នៅតំបន់ភ្នំ ដែលជាតំបន់ផ្ទៃរងទឹកភ្លៀងនៃស្ទឹងប៉ៃលិន បានធ្វើឲ្យទឹកស្ទឹងប៉ៃលិន ឡើងយ៉ាងកំហុក កម្ពស់ ( ៣,៨ម នៅផ្នែកខាងលើ ) ដល់ចំណុចប្រកាសអាសន្ន ។
ស្ថានភាពនេះ ធ្វើឲ្យមានជំនន់រហ័ស តាមដងស្ទឹងកើតឡើង ។ មន្ទីរធនធានទឹក និងឧតុនិយមខេត្តប៉ៃលិន បានជូនដំណឹងពិសេស ដល់អាជ្ញាធរមូលដ្ឋាន ពិសេសប្រជាពលរដ្ឋនៅតាមដងស្ទឹងផ្នែកខាងក្រោម ឲ្យបានជ្រាបជាមុនរួចហើយ និងក៏បានអំពាវនាវឲ្យពលរដ្ឋ បង្កើនការប្រុងប្រយ័ត្នផងដែរ ៕
