អាមេនី និងអាស៊ែបៃហ្សង់ យល់ព្រមចំពោះបេសកកម្មព្រំដែនរបស់សហភាពអឺរ៉ុប បន្ទាប់ពីមានការប៉ះទង្គិចគ្នាយ៉ាងសាហាវ
អឺរ៉ុប៖ ក្រុមប្រឹក្សាអឺរ៉ុបបានអោយដឹងកាលពីថ្ងៃសុក្រថា អាមេនី និងអាស៊ែបៃហ្សង់បានយល់ព្រមលើបេសកកម្មរបស់សហភាពអឺរ៉ុបស៊ីវិលនៅតាមព្រំដែនរបស់ប្រទេស។
កិច្ចព្រមព្រៀងនេះត្រូវបានធ្វើឡើងនៅក្រៅការជួបជុំលើកដំបូងនៃសហគមន៍នយោបាយអឺរ៉ុបក្នុងជំនួបរវាងប្រធានាធិបតី Azeri លោក Ilham Aliyev នាយករដ្ឋមន្ត្រីអាមេនី Nikol Pashinyan ប្រធានាធិបតីបារាំង Emmanuel Macron និងប្រធានក្រុមប្រឹក្សាអឺរ៉ុប Charles Michel។
ការសម្រេចចិត្តនេះធ្វើឡើងបន្ទាប់ពីមានការប៉ះទង្គិចគ្នានៅតាមព្រំដែនដ៏សាហាវបំផុតក្នុងរយៈពេលជាច្រើនឆ្នាំរវាងប្រទេសទាំងពីរ ដោយមនុស្សជាង ២០០ នាក់ត្រូវបានសម្លាប់កាលពីខែមុន។
