ឧត្ដមសេនីយ៍ឯក ហ៊ុន ម៉ាណែត ផ្តល់ទូក ម៉ាស៊ីនទូក ជូនតំបន់ប្រតិបត្តិការសឹករងរតនគិរី សម្រាប់បម្រើដល់ពលរដ្ឋកំពុងរងផលប៉ះពាល់ដោយជំនន់ទឹកភ្លៀង
ភ្នំពេញ៖ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅថ្ងៃទី១៣ ខែតុលា ឆ្នាំ២០២២ បានចាត់ក្រុមការងារ នាំយកនូវទូក និងម៉ាស៊ីនទូកចំនួន ១៤គ្រឿង មកប្រគល់ជូនតំបន់ប្រតិបត្តិការសឹករងរតនគិរី សម្រាប់សកម្មភាពក្នុងបេសកកម្មផ្សេងៗតាមបទបញ្ជា និងពិសេសក្នុងសកម្មភាពមនុស្សធម៌បម្រើប្រជាជនដែលកំពុងរងផលប៉ះពាល់ដោយគ្រោះធម្មជាតិជំនន់ទឹកភ្លៀង នៅក្នុងភូមិសាស្ត្រខេត្តរតនគិរី ។
ឧត្ដមសេនីយ៍ទោ ខាំ ស៊ុក មេបញ្ជាការតំបន់ប្រតិបត្តិការសឹករងរតនគិរី បានគោរពថ្លែងអំណរគុណដ៏ជ្រាលជ្រៅជាទីបំផុតចំពោះឯកឧត្តម ឧត្ដមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក ដែលជានិច្ចកាលតែងតែយកចិត្តទុកដាក់គិតគូរខ្ពស់ដល់សុខទុក្ខនាយទាហាន នាយទាហានរង និងពលទាហាន ជាពិសេសសុខទុក្ខប្រជាពលរដ្ឋ ដែលរងផលប៉ះពាល់ដោយគ្រោះទឹកជំនន់ ៕